女仔要達到高潮唔係一件容易嘅事，原因係男伴想得太簡單，一心諗住靠抽送就可以成事，調查發現好多女性都希望可以靠其他方法多管齊下而達至高潮。成日喺屋企做愛做的事的確有啲悶，唔知其他人又想喺邊處打野戰呢？提到打野戰，可能會令人提心吊膽，不過有好多事情都會令女士們心驚，當中包括自己嘅身材唔夠吸引。
睇鹹片同自娛有分唔開嘅關係，老實講，自娛雖然可以好隨意，但係冇適當嘅刺激將情慾挑起，就算成功靠自娛達到高潮，成件事都唔會過癮得去邊！其實要令女人高潮，道理亦相差不遠。早前一個國際知名嘅安全套品牌做過一個特別而又詳細嘅調查，訪問咗2,000名成年男女，希望可以幫助大家了解女性高潮嘅秘密。調查顯示，73%受訪女性有信心喺床上取悅對方，至於男士則只係得69%。另外，亦發現三分之二嘅受訪女性並不能夠喺每一次床戰都得到高潮，更加有逾6成女性表示已經放棄去嘗試喺床上依靠男伴令自己攀上高峰！其實佢哋又唔使對男伴失望，不妨坦白講一個可以增加快感嘅方法嘛！有56%女性表示由男伴使用情趣玩具、添加潤滑劑以及一齊睇鹹片或鹹書，可以令佢哋達至高潮，方法其實唔複雜，亦唔難做吖！
如果大家有瀏覽不同社交網絡平台，可以發現真係幾多嘢睇，當中除咗有性感照，更加有唔少「激情短片」，早前兩位內地留學生夜深人靜時喺大街大巷激戰，大家都應該記憶猶新！佢哋做到咁公開表演，拍攝者嘅心態可能當係拍演員公開演出。提到打野戰，最近有調查訪問咗2,000名來自美國同歐洲嘅成年男女，睇吓大家最鍾意邊一個野戰場地，結果發現最多人表示喺屋企附近嘅公園激戰，其次就係沙灘，早幾年日本AV界都有唔少作品以此為主題喎！至於第三位係公眾地方嘅浴室，之後就輪到停車場以及辦公室，睇嚟歐美人士嘅野戰地點範圍都幾廣闊喎！不過，大家千祈唔好學呀！
好多男人都話自己嘅老婆係老虎乸，平常對自己呼呼喝喝，好似當老公係工人咁使喚！不過，以小弟愚見，老婆咁惡可能係因為喺屋企做家務、照顧小朋友壓力太大啫！如果老婆係上班族的話，做老公更加要體諒一下，更要慶幸有老婆幫手賺錢減輕自己嘅負擔，鬧兩句濕濕碎啦！然而，老婆平常幾惡都好，一上到床喺老公嘅猛烈攻勢之下，一般嚟講都會被征服，由老虎變成小貓，若然老婆喺床上亦係強悍無比，咁就真係恭喜你！你老婆喺香港相信係萬中無一，因為大部分香港女仔都唔會做主動。正因為女仔唔主動，喺床上多數都係擔任配合男人嘅一方，所以男人如果太粗魯，唔懂得同女方溝通的話，就會令女方感到害怕喇！而外國有調查發現，女性喺床上害怕嘅事情，除咗男方冇用安全套以及男方健康欠佳，甚至帶有傳染病之外，亦害怕男方覺得自己嘅身材走樣唔夠吸引，此外亦怕男方喺床上唔容許女性「說不」，因為女性其實幾驚男方會強迫佢哋做唔願做嘅性行為，仲要唔畀佢哋說不，咁就驚上加驚！建議男士們上床前不妨同女伴講吓會點做，令女伴有心理準備，增加安全感，玩起上嚟就開心暢快得多啦！
撰文：賢