男人對索女嘅要求好簡單，要有天使嘅樣貌，而身材則要有魔鬼般火辣，但係現實中呢啲索女有幾多個呢？日本成人漫畫中嘅女角色，正正可以滿足到男人嘅要求，而講到精於描繪迷人索女嘅成漫家，便要數近年冒起得極快嘅pyon吉，佢嘅單行本《Puni Kano》就讓大家體驗到天使同魔鬼糅合一身嘅魅力。
早年專注插畫嘅pyon吉，畫功一流，尤其係佢筆下嘅女角色，個個都符合到男士心目中女神嘅標準。究竟佢筆下嘅女角色有幾吸引呢？簡單嚟講就係「童顏巨乳」四個字可以形容晒！佢坦言自己對萌系巨乳美少女情有獨鍾，因此一直都以繪畫呢類型嘅美少女為主，更精於此道。此外，為咗突出情慾場面嗰種肉體接觸嘅質感，佢花咗大量時間練習繪畫，務求令肉搏場面睇起嚟更具真實感。
2010年佢夥拍另一位漫畫家momi合組漫畫同人組合「Current Storage」，並喺網上發表作品，同年8月以同人組合名義推出首本成人漫畫同人誌《Cherialize》，由於pyon吉係畫插畫出身，講故事技巧方面比較薄弱，但憑住佢筆下一眾童顏巨乳女角色嘅魔力，加上汁液橫飛嘅情慾場面，仍獲得唔少成漫迷讚賞。
隨住同人組合推出多本同人誌後，pyon吉嘅畫功終於獲得成人漫畫月刊嘅編輯賞識，喺2011年喺《COMIC 快樂天 BEAST》上發表作品，得到編輯嘅提點，令佢喺講故事技巧上大大提升，同時人氣亦火速飆升，工作機會亦接踵而來，包括喺2012年同2013年分別為日本人氣輕小說《創世的大工眾 編織幻影世界的音色》及《不滅的神域封劍》繪畫插畫，而喺呢段日子佢亦不忘繼續活躍於成漫同人界，《Puni Kano》就係佢首本成漫單行本，亦係佢嘅代表作。
《Puni Kano》收錄咗pyon吉喺成漫月刊《COMIC 快樂天 BEAST》上發表過嘅作品，當中包括《Cross Sister》、《Puni Kano》、《如果知那是夢一場》、《偽姦關係》、《Happy Job》、《Dogful Days》、《我希望你能注意到！》、《Shape up!》、《對戰》、《Crawling Darling》、《Imperfect Family》及《Perfect Family》合共12篇單元故事。pyon吉表示，一直都冇諗過自己會有推出成漫單行本嘅一日，所以感到非常高興，同時佢嘅畫風不斷進步，希望大家能夠繼續支持佢。事實上，佢嘅單行本作品獲得成漫迷一致好評，尤其係當中嘅《Cross Sister》及點題作品《Puni Kano》，更係最為出色嘅兩個故事。
《Cross Sister》講述獨居男主角須坂所租住嘅公寓隔音相當差，因此住喺隔籬屋嘅一對姊妹花美羽及衣良嘅日常對話，須坂都聽得一清二楚，同時須坂喺屋企睇AV時，都擔心會被姊妹花聽到。生活變得愈嚟愈壓抑嘅須坂，有日美羽突然搵上門，並提出要為須坂解決生理需要，原來美羽早就知道須坂經常睇AV，而佢之所以主動要求曳曳嘅原因，原來係要幫衣良趕走追求者。之不過，一直暗戀衣良嘅須坂，對美羽一啲興趣都冇，正當美羽想進一步挑逗之際，衣良突然推門而入，並且對須坂表白，究竟三人嘅關係會點樣發展呢？
《Puni Kano》則講述祐真同果凜係一對拍拖半年嘅情侶，但係兩人經常鬧交，有一日祐真帶埋果凜最鍾意食嘅冬甩，同埋一份神秘禮物諗住氹吓對方，起初果凜不為所動，當佢見到神秘禮物時，春心即時蕩漾起嚟，原來祐真送咗件極度性感嘅情趣內衣畀佢，果凜先叫祐真蒙上雙眼，然後換上情趣內衣，呢個時候佢忍唔住慾火，主動為祐真吹奏起嚟，期間果凜透露點解會同祐真鬧交，而一場激情得嚟又搞笑嘅床戰就咁開始。
漫畫名稱：《Puni Kano》
作者：pyon吉
出版：Wani Magazine
頁數：221頁
撰文：魂