已故樂壇巨星羅文有好多經典金曲，好似《獅子山下》、《激光中》等，仲有一首《波斯貓》到今時今日小弟仍琅琅上口。提起貓，日本早前有個同貓有關嘅激情活動名為「Loei」，不經不覺已來到第8屆，除咗有好多AV女優參與，更有唔少可愛又性感，且玩得豪放嘅貓娘出沒，即刻同大家去現場睇睇！喵！
日本有好多特殊協會令大家嘖嘖稱奇，例如成員全部紮孖辮嘅雙馬尾協會，甚至緊身衣協會、眼鏡娘協會等。不過，講到活躍度最高、最鍾意出嚟同AV迷見面嘅協會，相信一定係日本低腰褲協會喇！雖然成員唔係個個都年輕貌美兼身材婀娜，但勝在敢着超低腰褲，仲敢喺公眾面前露出半邊屁股。最近低腰褲協會一眾成員又再出動為專屬活動──第8屆Loei演出。佢哋絕大部分係寫真女優，亦有唔少係AV女優，活動還邀請到經典女優，如經常出席SM界活動嘅若林美保同倖田李梨都有登場，估唔到美保姐年屆37歲，身材仲保持得如斯苗條誘人，有佢在場令活動生「色」不少！
正如AV達人東風克智所講，近年日本人對貓愈來愈有愛心，市面更加湧現好多以貓為主題嘅產品，因此出現「貓咪經濟學」，仲引發「貓之高潮」現象。有見人人都愛貓，喺Loei演出嘅眾多低腰褲協會成員今次大多以貓娘扮相出現，頭戴貓耳之餘，條低腰褲亦裝上貓尾。呢班可愛又性感嘅小野貓，喺入場觀眾面前表演勁歌熱舞，令現場氣氛無比熾熱。呢班觀眾其實都係忠實粉絲，喺門票開放預售兩星期內，200張門票已被搶購一空，對活動如此熱情梗係抵錫啦！除咗扮演貓娘，亦有低腰褲協會成員緊貼潮流，換上火紅嘅童貞必殺服，即係邊露波邊露股溝嘅灰色樽領冷衫，認真誘人。
見到咁多小野貓熱情扭動胴體，在場嘅觀眾梗係開心又興奮啦！更開心嘅係同類表演活動，好少能夠同表演者有近距離接觸，但Loei就唔同喇，皆因小野貓會走去舞台邊挺股起舞，幾乎貼住觀眾塊面扭動胴體，觀眾們仲可以用相機捕捉佢哋嘅性感舞姿，不過記住眼看手勿動，話晒呢個只係表演而唔係艷舞嘛！活動另一高潮位，可以畀觀眾有機會落手，就係班小野貓會向觀眾大派螢光膠條，將之屈成圈圈後，可以好似玩攤位遊戲咁將圈圈擲向班小野貓條尾，擲中雖然冇獎，但由於貓尾裝喺囡囡嘅低腰褲仔，圈圈愈積愈多，就好容易令佢哋條褲脫落，所以班觀眾對擲中貓尾出現一份「執念」。Loei咁好玩，大家如果想參加埋一份的話，就要等到下一次，即係今年9月22日喇！
撰文：賢