說開上樓足浴店，同事B就滔滔不絕了，「早半年先同個喺荃灣做開大場嘅老細傾開，佢問我有無計仔喎，話嗰啲上樓嘅足浴搶咗唔少生意，我咪問佢需要乜嘢計仔囉……」卻原來，老闆已經想好、度好，只差同事B幫他去執行，「幫吓手寫兩句啦，嗰啲上樓場邊有保證o架？毛巾又唔知去邊度洗，啲女服務又……」同事B那時已經知道，這些上樓場的確生意不錯，而且為很多場所帶來威脅，「呢啲借刀殺人，我梗係耍咗佢啦。點知，半年後見到佢，原來佢同啲朋友已經搞咗幾檔啦，呢次都係搵我幫手，不過係宣傳啫！」
同事B說：「依家仲搞大場？你估好容易呀？投資高、風險大，生意仲畀呢類上樓場搶咗唔少，條數其實好易計啫，啲老闆又點可能唔識吖？」同事B說，因為入場相對容易，所以除了老細搞，經理又好、囡囡又好，都會搞埋一份，「咁當然有高低之分啦，你有錢間場咪靚啲囉，不過無乜裝修一樣得喎。」來到這裏，我要先打個岔，這些上樓足浴跟上樓Spa有何分別？「咪差唔多，係啲設備差少少，有咩唔同？」
撰文：黃韋龍