日本十八禁遊戲雖然售價一啲都唔平，但憑住鹽花場面及有趣嘅劇情，加上令人心跳加速嘅美少女角色，仍然吸引唔少粉絲捧場，而講到其中一套人氣之作，不得不提喺2011年12月推出嘅《美少女萬華鏡》。如果你都有玩過呢隻遊戲嘅話，必定會認識今次介紹呢個模型，佢就係嚟自遊戲第3集《美少女萬華鏡－神明創造的少女們－》嘅亞璃子！
作為十八禁遊戲嘅女角色，亞璃子嘅樣貌同身材一啲都唔需要懷疑，甜美嘅樣貌加上火辣嘅身材，本身已經相當有吸引力，加上由著名原型師龍佑親自操刀，還原度更係信心嘅保證，難怪模型忠實呈現亞璃子迷人嘅外形，而今次以性感女僕服登場嘅亞璃子，心口展露出一條深溝，更係極之誘人。如果認為重點僅在於胸部嘅話，咁就大錯特錯，從後面睇，會發現亞璃子竟然係真空上陣！呢種半裸得嚟又相當含蓄嘅表現，絕對係挑戰大家心跳極限。有趣嘅係模型廠所發布嘅官方圖片，其中一張係亞璃子裸露下半身嘅相片，莫非暗示玩家可以親手脫掉佢嘅圍裙？
全高：約180mm
售價：￥16,330（約HK$1,143）
發售日期：現已有售
撰文：魂