總係有人以為日本嘅成人漫畫家，只會獨沽一味畫十八禁漫畫，事實上並非如此，當中有唔少成人漫畫家同樣會創作一般向漫畫，有啲更喺兩個界別中獲得亮麗成績，好似片瀨菜乃就係一個好例子。一般向漫畫畫到起晒朵嘅佢，其成人漫畫作品亦極受歡迎，單行本《戀愛Relation》就係佢嘅代表作。
早喺千禧年中期，片瀨菜乃已經活躍於一般向漫畫同人界，而當時佢所創作嘅作品，內容總係帶有少許鹹味嘅一般向作品。據佢表示，自己對呢啲略帶鹹味嘅作品情有獨鍾，亦因為咁嘅緣故，佢冇耐活躍於成人漫畫同人界，不但內容勁重鹹味，巨乳美少女角色更係打動唔少人嘅心，而佢亦自認相當熱愛巨乳，故此作品內女角色嘅胸部都係嚟自佢嘅想像。
憑住出色嘅畫功，加上一眾迷人巨乳美少女角色，令佢好快就被成人漫畫月刊賞識，並先後喺《Comic Potpourri Club》同《Comic Anthurium》上連載作品。隨住人氣愈嚟愈高，喺2007年終於迎嚟首本成漫單行本作品《初戀Lesson》，而呢本處女單行本更係極受好評。正當大家以為佢會專注喺成漫界發展時，卻估唔到佢喺呢一年，竟然同時創作另一本一般向漫畫《遊戲部！》，並喺一般向漫畫月刊《YOUNG COMIC》上連載。雖然呢本作品走略帶色味嘅路線，卻極受歡迎嘅同時，其後更被動畫化！之後佢所推出嘅《LOVE LOOP》、《喫茶泊木營業中！》、《壞壞二人的天罰》等貫徹帶色味嘅一般向漫畫，同樣獲得極佳嘅成績，而且全部都被動畫化，足證佢嘅作品有幾咁受歡迎。
正當唔少人開始忘記佢成人漫畫家身份之際，佢又開啟番成人漫畫嘅戰線，邊畫一般向漫畫，邊喺成漫月刊連載成人漫畫。雖然作雙線發展，但作品仍然保持住高質量，而事隔多年後，終於喺2015年推出第二本成人漫畫單行本《戀愛Relation》。
《戀愛Relation》收錄咗片瀨菜乃曾於成人漫畫月刊《Comic Anthurium》上發表過嘅10個作品，當中包括《黑髮巨乳之妹與學生會室》、《I‧D‧～巨乳偶像與事務長的Ｈ作戰～》、《I‧D‧～巨乳偶像攝影期間潮濕的綑綁戲？～》、《黑髮巨乳女教師的秘密放學後》、《巨乳浴衣女友悄悄在神社一起H》、《身為美術講師的我對美少女學員產生慾望……》、《身為美術講師的我對美少女學員產生慾望… 2》、《巨乳OL的H辦公室事情》及《巨乳OL的H辦公室內惡作劇事情》。由於對上一本登場嘅成漫單行本相距一段時間關係，故此當呢本單行本推出時，即時引嚟大家嘅哄動，並且對當中嘅巨乳美少女，及唔同類型女角色嘅情慾故事讚不絕口，當中尤以《I‧D‧～巨乳偶像與事務長的Ｈ作戰》及《巨乳浴衣女友悄悄在神社一起H》呢兩個故事最為人所激讚。
《I‧D‧～巨乳偶像與事務長的Ｈ作戰》中嘅男主角本嚟係藝能事務所嘅經理人，後嚟自立門戶，旗下只有一位美少女偶像秋阪凜。雖然係咁，但佢仍然以成為頂尖事務所社長嘅目標而努力。不過凜卻係一個唔易管理嘅偶像，經常反對社長嘅決定，有一日為咗拍攝寫真嘅事，兩人又再起矛盾，社長衝口而出，指凜唔明火辣寫真可以激發男性嘅慾望，凜聞言即刻擒住社長，話要用肉體讓社長知道，乜嘢先至可以勾起男人嘅原始本能，一場莫名其妙嘅床戰就咁展開！
《巨乳浴衣女友悄悄在神社一起H》中嘅小修本嚟同女友春乃參加祭典，卻忍唔住慾火喺神社內曳曳起嚟，卻估唔到淫行竟然激嬲神社內嘅女神靈，就喺春乃高潮一刻，女神靈附喺春乃嘅身上，本嚟諗住好好教訓小修嘅女神靈，竟反被小修制服。而發現附喺春乃身上嘅係女神靈後，小修竟然色心大起，對女神靈百般挑逗，被燃起慾火嘅女神靈，經過同小修多場激戰後，竟然同小修講記得要再次搵佢。
漫畫名稱：《戀愛Relation》
作者：片瀨菜乃
出版：GOT
頁數：199頁
撰文：魂