做人有乜嘢Hea過日日發呆、恍恍惚惚？覺得咁樣生活係廢青或廢中？咁都要有番咁上下經濟條件，先至有資格發呆度日，當你肚餓卻發現冇錢買嘢食時，呢一刻就要乖乖返回現實。講起發呆，其中一個英文用法係「In a Daze」，大家又知唔知有乜情慾俚語同「Daze」有關呢？

有人稱情人節係男人嘅受難日，呢句話從某個角度嚟睇係冇錯，皆因勞心勞力為博紅顏一笑，過節後真係成個人散晒。不過「Valentine's Daze」並非指男士喺情人節後發呆嘅意思，反而因為男士喺情人節跟女伴床上過度激戰，搞到情人節後成個人變得呆滯。呆滯時間會有幾長？有人係一日，亦有人報稱呆足一個月，視乎大家喺情人節玩到幾激。例句：My girlfriend, Sally, gave me first, best, and last blow job of the year last night, and now I'm in a Valentine's Daze!（我女友Sally尋晚同我首次，最正，亦係今年內最後一次同奏，搞到我家陣情人節後發呆。）有人話情人節會玩得激啲，連床上體位嘅花款都玩得特別多。不過英國小報《Daily Star》調查卻指，情人節當晚有75%男女仍選用傳統嘅男上女下體位，咁應該唔係好激喎。

「Fxxk」原本係F字頭嘅粗口，夾埋「Daze」一齊用就變成高潮過後所表現嘅短暫發呆狀態，呢個詞語通常用喺男士身上，因為男性喺高潮後發呆嘅現象較為明顯。中文有專有名詞嚟形容男士呢個發射後提唔起性趣嘅狀態，叫做「聖人模式」。「聖人模式」呢個詞語最早出現喺台灣BBS討論區上，有唔少人以為佢嚟自於英文。其實佢源自日文中嘅「賢者時間」（賢者タイム）或「賢者模式」（賢者モード），譯做英文就叫做「Kenja Time」。從醫學嘅角度嚟睇，男士之所以發射後發呆及失去性慾，係受到Oxytocin及Prolactin兩種激素抑制多巴胺（Dapamine）所致。

有人會覺得天然呆嘅女生特別吸引，如果各位都認同嘅話，咁呢套由美國四仔片廠Adam & Eve喺2009年7月推出嘅作品《Bree's College Daze 2》，絕對能滿足大家嘅要求。作品由著名四仔導演Andre Madness執導，並由當年超人氣四仔新星，家陣已貴為天后級脫星嘅Bree Olson擔綱演出，仲搵嚟Lexi Belle、Tori Black、Madison Ivy等超索脫星坐鎮，不但係《Bree's College Daze》系列嘅第二套登場作品，更係Bree Olson嘅代表作之一，同時喺2010年AVN頒獎禮中獲得最佳喜劇四仔提名。故事講述Bree答應一班姊妹舉辦盛大又性感嘅男女聯誼活動，於是搵嚟一眾型男參與聚會，就連Bree都估唔到，乾柴烈火聚埋一齊，聯誼活動竟變成啪啪啪派對，自己亦陷入呢場肉慾狂歡之中。

成日發呆嘅女仔唔知點解特別多人鍾意，甚至有人稱佢哋做天然呆或呆萌。講到AV女優嘅呆萌代表，小川阿佐美絕對唔可以唔提。呢位喺1985年4月11日於日本東京出生嘅女優，不但擁有34、23、35嘅火辣三圍，迷人嘅五官更加女人味十足。憑住出眾外形，佢喺2005年9月以MAX-A專屬女優身份登場，並喺同年11月推出處女作《明星誕生 小川阿佐美》出道。起初唔少AV迷以為佢係位充滿女人味嘅女優，點知後嚟至發覺原來佢係個天然呆！連佢自己都坦承平時相當笨拙，有人問佢點解會投身AV界，佢竟然稱連自己都唔清楚，而佢嘅好友兼AV女優Rio私底下亦暱稱佢做「傻妹」。火辣身材、索樣加呆萌，令佢嘅人氣愈嚟愈高，喺2006年11月轉會至S1嘅佢，2008年4月成為AV女優表演團體「惠比壽麝香葡萄」第一期成員，同年11月移籍至MOODYZ，及至2015年宣告引退。

撰文：魂