究竟「Zentai」（ゼンタイ）係乜？唔知好正常，因為佢其實係由日文發音嘅「全身Tights」（全身タイツ）簡稱而成，中文即係「全包緊身衣」咁解，聽個名就知佢係一種包冚晒全身嘅衣服。以前佢由尼龍同彈性纖維製成，家陣亦有以塑膠物質製造。有人話佢係愉虐服裝，亦有人話佢係一種精神減壓服裝，其實講到尾都係視乎啲人點樣用佢啫！
記得第一次見識「Zentai」，係喺愉虐主題嘅電影中出現，事實上佢確係同愉虐有密不可分嘅關係。據稱源自於16世紀歐洲女性嘅束腰，其後隨住橡膠工業興起，德國人將橡膠用喺製作緊身衣上，而家陣呢啲全包緊身衣英文名叫「Latex」，正正說明佢同橡膠之間嘅關係。而喺上世紀40時代，美國時尚雜誌《時尚芭莎》曾拍攝一輯緊身衣寫真。
由於呢種緊身衣可以畀到穿着者一種安全感關係，故此慢慢成為戀物癖好者嘅至愛，同時亦被用喺愉虐玩意上。雖然佢喺西方由來已久，但當傳入日本時，卻為呢個生活壓力一級棒嘅國家帶嚟另一種用法，就係作為都市人減壓之用，除咗有安全感，仲有種隱藏感，等自己可暫時逃避社會帶來嘅巨大壓力，當然亦有人係享受嗰種被包裹嘅約束感，心理或肉體上都可以獲得滿足。
講到日本最著名嘅全包緊身衣同好會，就唔可以唔提呢個喺2012年9月初立，以東京作為根據地嘅「Tokyo Zentai Club」。據同好會稱最初佢只係一個網上圖片分享組織，等喜好全包緊身衣嘅朋友，喺網上分享自己嘅照片。隨住大家互相熟落便開始組織活動，而最著名係喺2014年舉行嘅遊街活動，一眾會員以緊身衣造型游走東京街頭，不但成為一時熱話，而呢個活動更成為現時同好會指定聚會活動之一。
今時今日擁有超過350名登記會員嘅同好會，除咗舉行巡游活動外，更曾赴台灣搞活動，又先後推出《ZENTAI LOVE》、《ZENTAI LIFE》等多本寫真集。此外，佢更發售自家設計嘅全包緊身衣，最近更聯同日本插畫師菅原千明推出限定版緊身衣。當然仲唔少得同好攝影會啦，佢哋將喺4月15日於日本兵庫縣舉行攝影會，而11個攝影時段中有一半已經爆滿，可見反應相當唔錯。
如果係重度「Zentai」嘅愛好者，同時又係M系愉虐玩意嘅擁躉，呢間位於東京西日暮里嘅出張風俗店「Bizarre Clinic」，絕對係重口味嘅選擇！「Bizarre」即係奇怪、奇異咁解，而呢間風俗店的確奇怪，皆因佢獨沽一味提供全包緊身衣嘅M系玩意。玩家入店先要換上「Zentai」，然後被風俗孃以繩縛或膠帶綑綁紮到成隻糉咁，跟住再被對方調教。
呢間風俗店之所以咁勁，唔單止佢係一間專門店，更因為店內嘅風俗女王個個都係技術型，每位都曾經被日本愉虐雜誌做過人物專訪，亦擔任講師展示各種調教技巧。據佢哋講，全包緊身衣只係玩樂嘅工具，最重要係點樣引導玩家釋放自己，當中需要講求技巧。
有人視全包緊身衣係一種減壓嘅方式，但係無可否認，佢同戀物及愉虐呢啲特殊性癖有密不可分嘅關係。講到後者呢啲肉體上嘅減壓，不得不提專玩緊身衣嘅風俗店啦！呢間位於東京池袋嘅戀物風俗店「Club Tight」，喺2013年開業，憑住款式夠多嘅緊身衣而聞名，自開業以嚟吸引唔少好此道嘅玩家慕名而至。
作為一間戀物系風俗店，玩家固然可以身穿緊身衣享受風俗孃嘅服務，亦可讓風俗孃換上全包緊身衣嚟個調教角色扮演。為咗提升玩家嘅樂趣，風俗店更引進愉虐神器真空床，等好此道嘅玩家感受到更強烈嘅包裹感覺。不過消費亦一啲都唔平，120分鐘服務盛惠42,000日圓（約2,856港元）。
日本AV有唔少以全包緊身衣為主題嘅作品，當中最具人氣兼經典嘅作品，莫過於由AV片廠映天喺2010年10月推出嘅《ZENTAI 全身Tight de 尻Koki》。呢套作品不但搵嚟人氣AV女優廣瀨奈奈美（當時叫堀口奈津美）演出，仲有巨乳女優妃乃光同場獻技。可能有人會問「Zentai」將成個人包到實晒，睇唔到樣又睇唔到身材，呢啲AV有乜好睇呢？大家唔使擔心，皆因去到中場時，女優會露出真身同男優激戰。由於呢種奇情片反應相當好關係，故此映天喺2011年4月推出續集《ZENTAI 2 全身Tight de 尻Koki》，更搵嚟黑木麻衣（當時叫花野真衣）演出，同樣引嚟一時熱話。
撰文：魂