認識姐姐A已經一段時日了，這段時間，她做過夜總會和鳳姐，最初在旺角上樓Club返工，生意還不錯，只是小姐房有點紛爭，「小姐與小姐之間有，小姐與經理、媽咪之間有，嘈交都係小事o架啦，有利益，自然有蠱惑嘢，好鬼黑暗o架。」後來姐姐A年華老去，生意慢慢滑落，不想再被這些煩惱纏繞，於是跟一位姊妹去開鳳樓，原本的想法是自己的生意自己做，應該少點麻煩，結果呢，幾年下來，她又決定要轉行了，「一個女人對住一間房，真係咩事都有可能發生，嗰種壓力係好大o架。」
姐姐A說，先不說同樓之間鳳姐爭生意那種激氣，「唉，真係半夜劈價、中途攔截咩都有，但咁都算，其實最危險係一個人對住啲客，裝晒閉路電視又點，有時出事就出事o架啦！」她說被客人偷過幾次錢，學精了，鳳樓內再不放大量現金，也試過做完晒事人客以「貨不對辦」為理由，跟她要攞Discount，「佢話我扮後生呃佢入閘喎，點睇都唔似30歲，我幾時話自己30歲？根本就打橫嚟，客人要求5折，最後8折埋單，唉……」未入閘先抽水的客人也有不少，這種「小」事，她說已經習慣了。
撰文：黃韋龍