成功需苦幹，但係有時面對前途不明朗，對人生大感迷惘嘅情況之下，唔少人都會考慮透過求神問卜以求得一點啟示。雖然小弟對此不太感興趣，因為早已知道自己一生都係符符碌碌咁過，之不過最近就想搵一位占卜師卜一卜，因為呢位占卜師可愛又好波，佢就係篠原冴美喇！
古時男人都認為女仔擁有一副瓜子口面至係靚女，時至今日亦一樣有好多人鍾意呢種面形嘅女仔，之不過相信好多男士同小弟一樣眼光廣闊，口味亦然，絕對唔會局限於女仔嘅面形，更加識得欣賞不同類型嘅女仔，就好似日本寫真天后杉原杏璃咁，佢天生包包面，但係卻一臉童顏稚氣，雙眼精靈又迷人，而且上圍脹卜卜，一樣大把粉絲！
除咗佢之外，今日為大家介紹嘅篠原冴美亦係面圓圓，夠嬌俏。年芳24歲嘅冴美眼神精靈明亮，當中蘊含無比活力同自信，而呢份自信亦可以喺冴美妹燦爛嘅笑容當中感覺得到。冴美咁有自信係嚟自佢相信自己嘅美貌，但係小弟認為係來自其豐滿婀娜嘅誘人身段。冴美嘅胴體甚為健美，肉地結實又富彈性，胸前對G奶同樣係彈力十足，一睇就知佢運動量充足，而且狀態處於高水平喇！
篠原冴美好早就踏足模特兒界，有幾早？喺佢讀初中二年級嘅時候，參加時尚雜誌《Hanachu》嘅素人模特兒選舉活動，結果阿妹榮獲最優秀獎，繼而被一間模特兒學校招為學員。打好咗根基之後，冴美參加選美活動「Miss YOUNG 2010」更加順利奪得冠軍寶座，成為呢個活動嘅第一代冠軍。除咗拍寫真，以其玲瓏浮凸身材以及陽光氣息搵銀，冴美出道不久就向樂壇發展，後來更成為第一代惠比壽麝香葡萄嘅成員。
近年，冴美喺電視台同舞台界都發展得相當唔錯，好似喺今年年初佢就參與舞台活動《第三水曜即興舞台2017》嘅演出喇。不過，冴美百足咁多爪都仲未滿足，喺2014年開始向身為占卜師嘅媽媽學占卜，例如塔羅牌，而早前其母親間占卜館開張，冴美更以泳裝亮相做宣傳，認真母女情深。除咗占卜，冴美最近仲從日本專業麻將協會獲得專業雀士資格，就算唔再拍寫真都可以靠打麻雀搵食，當然大家梗係想繼續欣賞冴美對G奶多啲啦！
簡介：篠原冴美會喺Twitter上載好多關於自己工作以及公餘時間嘅消息同照片，Click上去就可以緊貼追蹤到阿妹嘅最新動向喇！
網址：https://twitter.com/shinoharasaemi?lang=ja
年齡：24歲
身高：5呎5吋
三圍：35G-24-34
撰文：賢