日本AV女優愈趨活躍，仲鍾意走出AV拍攝場地，喺公眾地方同粉絲見面。之不過，AV片廠就變得愈來愈「深閨」，近年鮮有聽到AV廠主動搞粉絲聚會。然而KMP呢個AV集團就唔同喇，早前舉辦第5屆「KMP學園祭」，出動10位AV女優同粉絲見面，進行連場比併！
日本龍頭AV大廠北都集團，往時都會拍吓「感謝祭」系列，招募AV迷做素人男優同其偶像女優一齊演出，但近年呢類活動少之又少。相反，SOD嘅作風就親民好多，特別係社長野本義明上任之後，鍾意帶埋幕前幕後「落區」宣傳，等大家有多啲機會接觸AV文化。其實KMP亦一樣親切對待AV迷，喺3月26日就舉行咗第5屆「KMP學園祭」，呢個活動大約每年搞兩次，每次KMP都會搵旗下專屬女優連同其他有交情廠商嘅女優，與數十名AV迷協力競技，場面熱鬧又好玩。喺剛過去嘅一屆當中，雖然KMP嘅三大台柱中有星美梨美引退，友田彩也香離廠他投，但係剩低嘅萌系偶像佐倉絆依然相當有號召力，其他同台演出嘅9位小花一樣吸引，佢哋包括椎名空、南梨奈央、濱崎真緒、佳苗瑠華、阿部乃美久、葵玲奈、尾上若葉、宮崎彩以及夏目愛莉，10位AV女優活力十足，一齊出動簡直玩轉學園祭。
「KMP學園祭」舉行當日，東京地區廣泛落雨，但係大家唔使擔心一眾可人兒會淋濕身，事關近兩年嘅學園祭已經由室外轉為室內，目的除咗可以令班女優同AV迷玩得更放心外，仲唔使租戶外場地，慳番啲經費添。而學園祭一開始，10位小花就變身成日本武士登場，着住斗篷配以武士刀同大家見面，喺未開始玩之前，大家先唱一下學園祭嘅會歌，再嚟個簡單而隆重嘅宣誓儀式。繁文縟節搞掂之後，10位小花就進行連場比賽，項目包括打乒乓波、擲飛鏢、手指相撲及一系列桌上小遊戲，廠方仲安排咗多款舊式電視遊戲畀女優同AV迷互相比併，點解要玩舊式遊戲機呢？原來班小花好多都係90後，要佢哋玩未接觸過嘅遊戲可以增加難度咁話！而且班AV迷唔少都已經年過三十，畀機會佢哋緬懷一番都唔錯。
10位小花喺各項比賽都相當投入，仲玩到笑逐顏開，遊戲本身已經氣氛高漲，但係令AV迷最歡樂嘅事，相信係比賽落敗一方要接受懲罰，好似尾上若葉玩桌上小遊戲輸咗畀葵玲奈，就要表演食香蕉！若葉慢慢將香蕉舉起再剝蕉皮，然後再一臉享受咁品嘗香蕉，認真意態撩人。此外，被罰得最激嘅一定係濱崎真緒，佢玩小遊戲輸咗後，懲罰係要坐菠蘿，真係替佢胯下擔心呀！玩完一輪，只見小花們都係以校服上陣，好似着得太密實喎，唔使驚！小花們隨後輪流表演泳衣騷，逐一喺AV迷面前脫去外衣，露出三點式及嬌美胴體滿足大家嘅「肉」望。表演完畢，學園祭最後有攝影會環節以及產品售賣，一班AV迷又要大破慳囊喇！
撰文：賢