一個人嘅成功例子，可以為好多人帶嚟鼓勵作用，當然亦會引來好多人跟風啦！好似曾經被稱為「寫真界救世主」嘅高橋聖子，下海以來人氣升完又再升，上年仲喺AV OPEN 2016成就「7冠王」佳績，除咗拍AV之外，工作接踵而至，搵錢搵到手軟！而日本AV業界就表示聖子嘅成功除咗為AV迷帶來眼福，為業界帶來銷售上嘅得益之外，令AV界更容易借其成功嚟引誘一班半紅不黑嘅女藝人下海，最近AV廠MUTEKI就成功「捕獲」一位話題性十足嘅女藝人下海，佢就係今井夢露喇！香港人對夢露未必太熟，但係佢喺日本就好多人識喇！原因夢露係滑雪選手，18歲當年狀態正值巔峰，代表日本參加冬季奧運會，可惜喺預賽期間跌傷搞到冇份參賽，自此表現下滑，幸好夢露一向都喺藝能界演出，總算有後路可退。之但係夢露唔爭氣，一度沉迷鴨店，散盡家財又做過應召女郎，之後經歷兩次婚姻失敗，種種打擊令佢踏上拍裸照之路，然而人氣總係谷唔起，最後淪落到拍AV！雖然以夢露如此傳奇嘅前半生的確可以成為下海嘅一大噱頭，但係小弟就覺得夢露已是明日黃花，而且身材相當「人工化」，能唔能夠好似高橋聖子咁名成利就，我就抱有相當懷疑嘅態度，至少小弟對佢興趣不大，不過在此都祝夢露心想事成，可以嚟個谷底反彈啦！