大家知唔知台灣嘅應召站係有為玩家設立名冊嘅機制呢？可能有人會認為應召搞個名冊出嚟嘅目的，係為咗方便招呼一班熟客。呢個只係其中一個原因，更重要嘅原因其實係為方便風險管理！據稱每當小姐同玩家交易完後，佢哋都會將玩家嘅特徵、癖好同埋有乜嘢要注意嘅問題回報畀應召站，而應召站就會針對一啲高風險嘅玩家進行分類，例如發現有玩家玩過之後表示唔滿意，或者故意搵應召站麻煩嘅話，佢哋就會喺名冊上寫上「有報警」，若然發現對方行為有可疑，懷疑對方係警方放蛇人員嘅話，更會寫上「危險」、「釣魚」等字。如此詳盡嘅玩家名冊，固然更易掌握玩家嘅資料，同時卻為玩家帶嚟危險性。好似早前台北警方就喺一次掃黃行動中破獲一個色情應召站，喺現場不但拘捕李姓男主持人、應召小姐多人及18萬元新台幣現金，更搜獲一本玩家名冊。名冊上寫上光顧過嘅玩家資料，當中除咗有的士司機、律師外，更標明有玩家喺去法院前先搵小姐曳曳，甚至有兒子帶老竇搵小姐玩！雖然唔知名冊上有冇玩家嘅聯絡方法，但對玩家嚟講始終有一定嘅風險。