玩到上身

這兩個好朋友經常北上玩樂,專攻飛機骨場,兩兄弟多數都齊上齊落,有時遇到好的囡囡,除了交換心得,也會互相試玩對方推介的女孩,「嘩,你哋咁樣唔尷尬咩?」我特意問。朋友A說,「多餘啦,你唔玩,佢都做其他客,你估你真係可以私有化條女呀?益老友好過啦!」朋友B聽完露出了淫笑,「哎,以前我哋喺東莞蒲嗰陣,玩得仲癲喎,開Party兩男兩女都係咁,不過後來東莞收晒先無得玩,依家呢啲嘢,根本就小兒科,濕濕碎啦。」朋友B說。

最近兩兄弟又一新搞作,就是同時「喜歡」上一家場一位技師,「我約條女出嚟飲酒,佢又肯喎,我哋兩個一齊上,佢又約埋一位朋友出嚟,諗住會有運行啦,點知兩個女飲到七八成醉都唔肯玩,呢啲嘢無得強求,惟有以後再落吓嘴頭啦!」兩兄弟,對這位女孩始終死心不息,更輪着上去捧場,結果,朋友A後來不知為甚麼愛上骨女,更打算共賦同居,這一回,他開始介意他的老死B先生去找他的準女友了,「條友都傻傻哋,玩就玩,玩到上身!」朋友B不屑道,卻仍然偷偷上去捧場。

撰文:黃韋龍