好正，好正，好正！好重要所以要講三次，有幾正？睇吓個書名先啦，《How to Be Knotty》，估到未先？畀多少少貼士你，作者係加拿大人Lord Morpheous，咁你都唔識，證明你睇得書少兼睇得四仔少，更加唔係綑綁愉虐同好添呀！呢位猛人既係性教育家同時係知名四仔攝影師，亦係兩性專欄作家，長駐紐約，人生每秒中都同性愛有關，仲係愉虐嗰隻添！喺美國，一提起How to Be乜乜乜，色情男女一定諗起佢，皆因佢過去有兩本暢銷全球愉虐書《How to Be Kinky》及《How to Be Kinkier》都同綑綁有關，據稱佢嘅作品存檔喺多倫多大學做學術研究教材。精於綑綁美學兼攝影嘅Lord Morpheous，多年來教授各種關於繩索束縛、束縛美學、戀物癖攝影，亦有對初學者舉辦BDSM研討會，更係Morpheous' Bondage Extravaganza（莫菲斯繩縛狂想祭）始創人，呢個一年一度舉辦嘅「綑綁」活動，吸引世界各地繩縛同好出席，提供一個聯誼及學習機會，門票全免o架！飛去加拿大你未必會，但買本新書欣賞吓一啲都唔過分，新書《How to Be Knotty》唔使介紹都一定搶斷市，內容繼續以圖片教你綑綁潮流，繼續有好多脫星登場，繼續啟發你將綑綁融入生活中。