大家見到日本AV界用到「超大物」三個字嚟形容女優，唔好以為該女優好大件，又或者身上某個地方例如係胸部特別巨大喎！因為「超大物」嘅意思係指該女優未下海拍AV就已經名氣十足，可能係知名女星又或者係運動員，總之就係知名人士啦！另外亦包含下海呢個動作引起社會哄動嘅意思。近期日本AV集團KMP就有一個「超大物」下海，但唔係女優，而係一位極具知名度嘅男藝能人為KMP拍AV，不過喺KMP嘅官方網站故作神秘，只係顯示出一個男人嘅剪影。消息一出即惹起好多AV迷喺網上熱烈議論，至於呢個超大物男優嘅身份眾說紛紜，而最多人估計嘅有兩位，一個係現年52歲嘅資深演員高知東生，原因係佢上年年尾因為犯下「不可一，不可再」嘅罪行而被拘捕，雖然被判緩刑，但係演藝事業從此毀於一旦，而高知東生早年亦參與過AV演出，故其下海呼聲相當高。另外一位熱門人選就係23歲嘅高畑裕太，佢上年8月被控喺酒店性侵酒店女員工，雖然事後不獲起訴，但係令前途盡毀，惟有下海拍AV。而兩人當中，後者比較多AV迷支持，因為KMP提供嘅剪影同高畑裕太身形及髮型相若，加上形象亦屬於高大靚仔，相信搵佢拍AV可吸納到女觀眾。不過，到底係邊位男藝人下海，就要等多一陣至知喇。