台灣嘅色情服務係犯法，呢層相信唔使多講，而對於當地業界人士嚟講，大隱隱於市更係王道，否則愈張揚愈容易被有關當局突擊檢查。不過有啲人唔知係咪膽生毛，定係因為別有原因，居然夠膽向有關當局挑機！話說正當台南警方喺近日積極取締色情業之際，有業界人士不但不以為然，仲同玩家擔保一定唔會被人拉，仲話邀請日本AV女優提供色情服務，價錢為75,000元新台幣（約18,750港元）。究竟係邊位女優呢？據稱係星空綺羅里，亦即優菜真白（以前藝名）。雖然唔知呢個係咪傳聞，但可以肯定有關當局已明確表示，將對此持保留態度，並且會嚴陣以待。如此高調聲稱引進AV女優到台提供色情服務，除非佢想打響名堂，否則好明顯佢低估有關方面掃黃嘅決心，下場唔使諗都預計到係點。