現世代做好公關工作相當重要，咁邊度有好公關呢？睇你做咩工作啦！如果係日本AV業界的話，相信潮吹天后大槻響絕對係一個好公關喇！最近佢擔任DMM成人大獎2017宣傳部部長，踩上四大傳媒嘅辦公室宣傳，睇見響妹咁受歡迎仲同大家打成一片，就知佢係做公關嘅好材料啦！
4月會有咩大事發生？日本AV界有一個重要頒獎典禮上演，就係萬千AV迷期待嘅DMM成人大獎2017喇！鐵定於4月23日喺東京江東區豊州PIT會場舉行。最近好多相關情報已經陸續公布，例如今屆嘅主持會由AV達人宮地謙典，夥拍上年DMM成人大獎嘅兩位得獎AV女優大槻響及AIKA，組成一王兩后黃金拍檔。講到大槻響呢位精靈可愛且潮吹功夫了得嘅AV天后，除咗身負主持重任，更加被大會委任為DMM成人大獎2017嘅宣傳部部長，負責四處奔走為頒獎禮做宣傳工作。
其實呢個宣傳部部長職位都唔係特登益大槻響嘅，歷來呢份工作都係由上屆最優秀女優獎得主負責，所以絕對唔係大會故意要辛苦響妹。四出做宣傳雖然係勞心勞力，但係大槻響表示係一種榮幸，而且畀機會佢去到四大媒體嘅辦公室參觀以及打好關係。響妹首先去到創刊57周年嘅《東京體育》辦公室，佢禮貌地同員工打招呼之後，就被問到邊個係佢嘅最優秀女優獎心水人選，響妹就話入圍名單當中好多都係佢嘅好姊妹，佢哋表現相當出色，一時之間都好難諗到邊個會跑出。之後，響妹去到明年踏入創刊60周年嘅《周刊實話》辦公室，攞料過程順利，但係響妹拜訪完之後就覺得四肢無力，原來響妹晨咁早出門未有時間食早餐，於是周刊嘅職員即刻請阿妹食咖喱飯，食完之後響妹成個生猛番晒！
食飽飽又係時候再出發喇！第三轉響妹就跑到擁有50年歷史嘅傳奇級雜誌《Weekly Playboy》辦公室，響妹嘅出現令好多男職員都大為雀躍，不過，當佢被安排去會議室做訪問嘅時候，突然有一名神秘男子不請自來！原來呢位仁兄係該雜誌高級編輯，同時亦係每個月花10萬日圓喺網上購買AV嘅重量級AV迷，大槻響當然要好好招呼佢，有求必應啦！之後，響妹去到最後一站《周刊大衆》辦公室，做個簡單訪問之後，就帶同一眾工作員及粉絲去到神田神社參拜，祈求DMM成人大獎事事順利。其實，大槻響真係忙得好交關，上年年尾佢同波多野結衣、佳苗瑠華結成新女子組合「T Project」，攝影會、握手會開個不停，今次要佢做PR四圍宣傳，真係連休息都冇時間呀陰功！
撰文：賢