有人話女人有一半係天使，有一半係魔鬼，而日本成人遊戲開發商Luxury Tiara嘅新作《公主的一半是由戀愛造出來的！》卻話畀大家知，遊戲中嘅公主有一半係用戀愛造出來，而玩家嘅目的就係填滿佢哋對愛渴求嘅人生。故事講述一直效力秘密組織，並擅長從事間諜工作嘅美型男主角來栖川創，創下組織從未失敗過嘅神話。點知有日佢從領導人手中，接受咗一個極困難嘅任務，就係要潛入雲集全球千金小姐嘅女子學園「鳳鐘女學院」，設法獲得學園內至高無上嘅淑女稱號「女王殿下」！點樣可以潛入呢間女校，同時又融入一眾千金小姐嘅學園生活當中呢？答案相當簡單，就係要來栖化身成美少女。來栖接到呢個任務後感到極大煩惱，皆因習慣揸槍嘅佢，家陣既要學習儀態、跳舞、烹飪，仲要學埋化妝。究竟呢位美少女男特工，可唔可以順利完成任務呢？