呢幾日天氣陰陰濕濕，成日驚會落下失魂雨，又擔心屋企潮濕得滯牆身發霉，令人心情低落！ 不過，做人總要向好嘅方面去諗，咁先可以保持正能量嘛！今日就介紹大家欣賞兩位健美又充滿陽光味嘅青春少艾，憑住佢哋陽光般燦爛笑容、青春鮮嫩嘅胴體以及活力十足嘅演出，包保令大家心情開朗！
以前練大隻可以話係男人嘅專利，但係今時今日，唔少女士都希望可以練出一身肌肉，展現出肌肉美態！以小弟愚見，女性嘅體態美的確唔需要受到局限，但係如果練到好似成副男兒身咁當然會有失美感啦！好似才木玲佳咁就剛剛好喇！才木玲佳係日本寫真界罕見嘅肌肉大隻妹，點解阿妹練到咁大隻？皆因佢仲有另一個身份，就係職業女子摔角選手！唔好睇玲佳樣子甜美可人，佢喺擂台上相當打得，面對對手毫不留情，出盡渾身解數將對方打倒為止！
玲佳喺寫真演出亦一樣睇頭十足，好似喺新作《ムキカワ》當中，展示各種性感打扮，包括中國旗袍、健身裝以及馬革服等等，每個Look都能夠突出其火辣健美身材，由於玲佳樣子天真可愛，令呢副肌肉胴體嘅戾氣大大降低，產生出別具韻味嘅視覺誘惑！
碟名：《ムキカワ》
收錄時間：86分鐘
售價：約HK$281
家陣小弟最鍾意就係喺放假嘅時候盡量休息，最好畀我瞓足一日，而回想起自己十幾廿歲嘅時候就真係冇時停，晨咁早去球場踢波，食個午飯後再踢多幾場，然後夜晚去蒲個通宵達旦，精力彷彿用唔盡一樣！而睇到朝倉惠梨奈呢位年輕妹妹仔嘅表演，讓我懷念一下當年青春嘅好時光！惠梨奈生得一副天真無邪嘅樣子，惹人喜愛，而佢討好嘅地方仲有鮮嫩又豐滿嘅胴體，胸前對F奶脹卜卜又彈手，加上活潑又充滿活力嘅演出風格，深深吸引觀眾！
喺呢部寫真映像作品之中，惠梨奈大部分時間都會進行戶外演出，喺晴朗嘅天氣下凸顯其陽光氣息。而要充分表達出惠梨奈嘅活力，梗係要做運動啦，呢方面阿妹就絕對冇問題，要佢不停跑跑跳跳，玩完網球又玩健身球簡直冇難度，難就難在大家喺欣賞嘅過程當中，不受惠梨奈肉體晃蕩影響，保持情緒平靜啫！
碟名：《Pure Smile》
收錄時間：98分鐘
售價：約HK$281
撰文：賢