打麻雀係聯誼消閒活動，但係喺日本就有唔少人以打麻雀作為職業，靠打牌搵食。大家可能會話呢啲咪就係老人家所講嘅爛賭二囉！唔好先入為主，因為日本嘅職業打雀員，亦即係「雀士」，佢哋好注重形象，其中有一個更加美貌與身材兼備，佢就係高宮麻里喇！
以前成日聽長輩講「嫖賭飲蕩吹」，是但染上其中一樣惡習都唔慌會做到好人。不過，小弟間唔中都會同朋友去飲兩杯，亦間唔中會玩吓足球博彩，自問都唔算係一個壞人吖！至少好多女仔喺拒絕我嘅時候都會話：「你份人係好好，但係我唔會鍾意你，你死咗條心啦！」講到賭錢，香港好多人都鍾意打牌啦！唔通佢哋又全部都係壞人咩？而喺日本鍾意打牌嘅人亦相當之多，寫真女郎高宮麻里更係一位職業打雀高手添！唔通大家唔鍾意佢咩？28歲嘅高宮麻里生得一副高雅又和善嘅外貌，溫文爾雅嘅姊系氣息濃到令男人心醉神迷！同時麻里身材出眾，肌膚雪白幼滑，肉地彈性十足，胸前對G奶脹卜卜又堅挺迷人，如果畀我同佢打牌，肯定輸到褲都甩而不自知呀！
麻里表示自小就接觸打牌呢種活動，喺2013年佢參加一個叫做「女流Mondo杯」嘅女子麻雀比賽，而呢個比賽同時亦係一個電視節目，麻里狠勁嘅章法固然備受注目，而佢嘅美貌以及脹卜卜上圍更成功引起話題！隨後麻里亦參加過類似活動，例如「麻將Battle Royal」。麻里作為職業女雀士，實力得到專業認證，乃係日本專業麻將聯盟嘅麻雀三段高手。由於麻里打麻雀實力非凡，自從佢成為寫真女郎之後，綜藝節目一旦舉辦麻雀比賽都會搵麻里參賽，而好多主持都表示睇麻里打牌真係心驚驚，因為麻里攻打四方城嘅時候眼神銳利無比！不過，亦有主持突破盲點，表示與其睇麻里打牌，觀眾應該更加集中欣賞阿妹對G奶喎！而大家去日本要欣賞麻里嘅演出除咗睇電視之外，好多麻雀遊戲機以及老虎機都搵麻里做形象女郎以及遊戲角色，去到大型機舖就可以見到佢啦！
簡介：高宮麻里經常會去機舖宣傳麻雀遊戲，想知道佢最近去到邊間機舖，又或者將會去邊度出席活動的話，就要留意阿妹嘅Twitter啦！
網址：https://twitter.com/takamiyamari?lang=ja
年齡：28歲
身高：5呎1吋
三圍：33G-24-34
撰文：賢