男人喺洩射之後就會停落嚟休息，但係有專家提議男士們如果想女伴高潮浪接浪，喺發射後都唔好畀佢停！到底已婚人士同單身人士邊一個嘅上床次數會多啲呢？一陣就會話答案畀大家知。唔少情侶都會玩鴛鴦浴，喺日本就有調查以了解一下男人喺鴛鴦浴嘅時候做咗啲咩行為，而令女伴冇晒性趣。
男士們對心儀女性花盡心思，除咗為博紅顏一笑，最最最想得到嘅就梗係對方首肯上床做愛做的事啦！不過，男士們達到目的之後，有良心嘅當然會同女伴相擁而睡，冇良心嘅就會理得你死，即刻沖涼、着衫、走人，之前嘅甜言蜜語當冇聽過。當然，我哋作為一介頂天立地嘅男子漢，梗係唔好做冇良心口嘅人，更加要做一個能夠令女伴喺事前事後都冧到震嘅好男人啦！早前，查普曼大學嘅健康心理學博士David Frederick就提供咗三個有效幫助大家達到呢個目的嘅貼士，首先男人最好用一段長時間同女伴進行足夠嘅前戲，至於前戲要做幾耐至夠呢？博士指出有調查顯示大部分女性都希望享受到不少於半小時嘅前戲。第二個貼士係請男人用口舌招呼對方，因為呢個係最直接又最能夠令女伴覺得舒服嘅方法。第三就係唔好畀佢停，即使已經洩射，都唔應該放軟手腳，繼續同女伴錫錫同輕撫對方嘅敏感點，確保女伴達到高潮，博士話男士們通常都唔知女性幾時高潮，就算知道對方同自己同步高潮，女性一般都可以喺一次床戰中獲得多重高潮，咁又點可以畀佢停呀！
同事見我一把年紀依然係孤家寡人，都會勸我早啲搵個對象拉埋天窗，咁咪唔使成日食自己咁淒涼囉！老實講，家陣要搵個合心水對象你估咁易咩！而且，小弟一直覺得單身有單身嘅好處，起碼可以享受到更多自由，又唔使背負咁多責任，再者，就算單身都唔代表我要食自己喎！喺美國就做咗個單身與已婚人士嘅上床次數調查，大家估吓邊個上床次數較多呢？答案係單身人士！根據《一般社會調查》嘅數據顯示，喺1990年已婚人士每年平均上床次數為73次，但係去到2014年就下跌至53次喇！至於1990年嘅單身人士每年平均上床62次，2014年同樣有下跌，但係跌幅較輕微，上床次數為59次，比已婚人士為多。至於點解兩者嘅床戰次數都會下跌呢？有指可能因為喺呢二十多年嘅日子當中，大家睇鹹片愈來愈方便，令大家透過自娛就已經滿足到性需要，另外智能手機、社交網絡嘅興起亦有影響，因為大家都掛住玩手機，已經冇乜時間同心情去做愛囉。
男女都鍾意乾淨整潔，男士們要求女伴喺上床前洗到乾乾淨淨，而女士們對男伴亦有同樣要求。之但係大家情到濃時又冇理由分開沖涼吖！等到其中一方洗乾淨，另一方可能已經失去性慾，點算？如果地方容許的話，咁就梗係嚟個鴛鴦浴啦！一諗起鴛鴦浴，相信好多人同小弟一樣會諗起《風月俏佳人》其中一幕浪漫場面。之但係，女伴唔會係茱莉亞羅拔絲，而大家亦唔會係李察基爾，就算你有佢咁有型，都唔可以行差踏錯，否則會令女方性趣驟降。早前喺日本有研究了解一下鴛鴦浴時嘅禁忌行為，有男士就表示千祈唔好手痕剃鬍鬚，用剃鬚刀剃時不時都會意外引至流血，咁樣固然令女方不禁心驚，至於用電鬚刨亦不宜，因為剃鬚時嘅雜音會令女伴煩躁不安。亦有男士表示唔好懶體貼咁為女伴洗頭，一來洗頭期間女伴要閉起雙眼，心理上會有少少不安感，就算冇，男士們係咪又有信心洗得女伴舒舒服服呢？另外，亦有男士表示個身未乾透唔好上前擁抱對方，咪以為好浪漫，皆因濕漉漉咁攬住女伴，只會令對方覺得討厭咋！
撰文：賢