自從2011年10月推出嘅日本成人遊戲《Walkure Romanze少女騎士物語》大收旺場，不但連番推出續篇作品，改編漫畫更人氣爆升，難怪呢個系列嘅模型長出長有。講到當中嘅人氣角色，唔少得蘇利亞·庫瑪尼·安特里。呢位睇得又打得，兼且性格高傲嘅女角，一直以嚟都係模型廠Figure化嘅對象，為咗令模型更有新意，今次竟然將蘇利亞化身成貓女郎！貓孃化後嘅佢，貓耳加上貓尾嘅比堅尼造型，加上「貓咪手」甫士令佢萌味爆燈！另一方面，原型師藤浦冬威喺佢嘅三圍下過唔少工夫。一對奶變得更加堅挺，腹部肌肉線條健康得嚟，又唔會覺得太誇張，最重要係佢嘅臀部更添豐滿，配合稍為豐腴嘅大腿，令模型充滿肉感美。模型仲有一個透視胸前兩點嘅造型，可供玩家自行替換，令模型嘅觀賞性同可玩性大大提升。