寫真女郎就好似美酒一樣，原酒即使幾優質都好，都需要一段日子醞釀出更令人迷醉嘅風味來！是以，年紀同氣質比較成熟嘅女優，都係比年輕女優更誘人，特別係輕熟系巨乳女優，佢哋面上嘅氣質經粉頸、鎖骨一路而下，去到胸間散發出懾人魅力，由佢哋扮演女教師更加散發出一種令男人欲罷不能嘅魔力！
家陣好多女仔即使早婚，亦唔想咁快生育，一來要工作搵食冇時間照顧小孩子，二來怕生育之後身材走樣！第一個理由可以接受，但係第二個理由小弟就唔認同喇！因為大家可以從日本藝能界當中搵到生育完之後，一樣明艷照人嘅美麗媽媽，而喺寫真界更加可以搵到魅力更勝生育之前嘅超級辣媽，佢就係一代天后級寫真女神熊田曜子喇！
34歲嘅曜子早喺2001年出道拍水着寫真，面上氣質迷人又妖艷，深深吸引男士注意之外，其天然超彈力F奶更加係極品中嘅極品，故有「史上最強美乳」稱號，認真厲害！喺2015年曜子誕下第二名女兒之後，好多人都以為佢從此會做賢妻良母唔再拍寫真，不過大家咁諗就錯晒，一年之後，曜子重出江湖，而且為大家帶來一副更苗條更誘人嘅胴體，《ヨーコ! 》就係曜子嘅最新作品，當中佢唔少得表演倒奶、托胸等凸顯最強美乳嘅動作，佢仲會扮演男士們最鍾意嘅女教師，喺教室同實驗室展露極品身材，以及騷味十足嘅誘人媚態，辣媽萬歲！
碟名：《ヨーコ! 》
收錄時間：120分鐘
售價：約HK$291
好多老師都話學生們令佢哋又愛又恨，愛佢哋天真活潑，恨佢哋有時又好百厭，話極都唔聽，令人勞氣傷神。至於今次由新紮寫真巨乳女神紺野栞扮演嘅女教師，亦一樣令人又愛又恨！22歲嘅紺野栞雖然年紀輕，但係面上已經泛起一份輕熟姊系氣息，令人感覺親切又窩心！而紺野栞嘅身材更加令男人睇到流晒口水，點解？阿妹胴體豐滿，肌膚雪白嬌嫩，胸前對脹卜卜H奶極具壓逼感，真係好正呀！
喺寫真映像新作《紺野先生》中，栞妹扮演一位性格親切又帶傻氣嘅女教師，雖然佢不時撞板，但係對人就無戒心，最鍾意展露豐滿大包，更加會為氹人開心而扮演可愛又性感嘅兔女郎，或者做出各種大露乳溝嘅熱身運動，將愛心傳達畀大家，男觀眾一定愛死佢，同時深感痛恨，因為紺野栞嘅演出幾誘人都好，大家都係得個睇字囉。
碟名：《紺野先生》
收錄時間：118分鐘
售價：約HK$278
撰文：賢