記得早年有傳媒已預測色情界將進入「脫星商品化」年代，即係話脫星唔再局限於床上，以個人名義推出產品，而事實上脫星情趣用品愈出愈多，唔少脫星更有自家品牌，今日甚至連街牌都要搵脫星Crossover推出產品，對色情界嚟講係好定壞仲未知，但可以肯定班脫星一定係大贏家，推出商品成為佢哋嘅搵銀新戰場！
咪以為「脫星商品化」個名好學術、好高深兼好難明，其實一字咁淺，脫星係人，商品係貨，人加貨就即係脫星出貨，就好似你用緊嘅倒模J杯、囡囡設計嘅震棒等，但凡有錢搵嘅地方，都會見到脫星嘅「嘜頭」！脫星毋須再日砌夜磨，多咗渠道入屋及搵銀，咁即係有利啦，但弊又係乜呢？講真又冇喎，細佬唯一諗到嘅壞處係，冇推出個人商品嘅脫星變相紅極有限囉！事關去到邊都見到嗰位脫星嘜頭，即係話爆紅啦，而四仔廠一向跟紅頂白，喪搵曝光率高脫星拍戲，所以巴打來來去去睇新聞或鹹網都係熟口熟面嗰幾個脫星囉！之但係商品都要有市場價值先得，並唔係話阿茂阿壽推出倒模J杯都有人買，脫星想試水溫最好辦法就係你我他都要着嘅「潮Tee」就包冇衰喇！潮Tee潮到邊細佬就唔識分，但掛咗脫星個朵，再加多對奶，一件黑白灰嘅Tee成件事即刻升格晒，本來一舊水有交易，多咗幅「寫真」喺心口就加多兩舊，加埋限量發售，唔搶就你蝕底，搶唔到要喊添呀！
推出過潮Tee嘅美國脫星多不勝數，而呢個更係不死玩法，今日又有一位38歲熟女Kendra Lust同一個叫Smutlife潮牌合作，推出限量50件Tee，官方仲為今次合作起咗個朵叫「Liquid Lust」添，早前喺性博覽現場發售，火速沽清。講開呢兩個單位就真係巴閉，一個報稱次文化為理念嘅街牌，經常搵脫星合作，瀏覽其官網經常有脫星着住佢嘅衫褲自拍，咁識賣廣告，肯定多人撐啦！至於Kendra Lust都唔係善男信女，夜場搵佢表演，壯陽藥又係佢拍廣告，百足咁多爪，奪得年度最佳熟女獎，絕非浪得虛名呀！
同脫星合作，其實好濕碎，再叻啲甚至係推出自家品牌，例如四仔夫妻檔Johnny Sins及Kissa Sins搞咗官網後，就推出自家品牌「Sins Life」，除咗基本嘅衫褲鞋襪外，連水杯、手機殼、毛巾都應有盡有，佢兩個仲做埋生招牌去到邊都着住，更醒目到贊助新人着佢哋嘅Tee接受傳媒訪問，呢啲咪識搵食囉！咁冇自家品牌嘅咪好蝕底？又未必，脫星都係人，係人就要着衫，佢哋着過嘅二手衫褲巴打仲渴求添呀，好似女神Jelena Jensen多年嚟都係「環保」之士，着過嘅衫褲唔會掉，一定掟上網賣晒去，閒閒哋一套胸圍底褲都100美元起標，但同時發售嘅Item就超過10件，嘩！仲唔賺到笑！
撰文：祖