家陣要親近日本AV女優方便得多，皆因佢哋會定時定候舉行攝影會同握手會，最近熟女天后北条麻妃仲變身成為戀愛同性愛專家，大家有咩疑問都可以向麻妃姐請教一下喇！
小弟因工作關係同唔少日本AV女優見過面，令身邊嘅朋友不知幾咁羨慕，不過同女優見面心情都幾複雜，一來怕喺佢哋面前丟盡港男嘅架，二來見到有啲女優嘅真人冇上鏡咁靚，頓時感到失望。不過，我可以話畀大家聽，當今地位足以同熟女天后風間由美睇齊嘅美熟女北条麻妃就絕對係真人同上鏡一樣咁靚喇！
麻妃姐今年已經38歲，但係小弟覺得佢愈來愈省鏡，面上流露出嘅迷人風韻更勝往日，特別係一雙明亮又帶神采嘅眼眸，畀佢望多兩眼就會覺得全身酥軟，同時某地方變得相當硬朗！而麻妃姐嘅身材長期保持苗條，肌膚咁多年來都咁雪白幼嫩，蛇腰加D奶令胴體甚具曲線美，加埋一雙勾魂美腿，呢副身材真係無法再挑剔啦！
數數吓，麻妃姐出道已經有10年，佢出道嘅時候正值熟女界起飛之時，雖然起步比風間由美遲咗少少，不過憑麻妃姐嘅美貌同身材，加上出色嘅演技，令佢人氣持續上升，2012年更喺Sky PerfecTV成人放送大賞奪得最優秀熟女獎，同年嘅日本AV30周年紀念企劃（AV30）投票選舉，獲得廣大AV迷投票，成為日本史上最經典100位女優當中嘅第18名，風間由美都係排第30名咋！演出AV多年，麻妃姐多數都係演人妻角色，發揮溫柔又親切嘅魔力令男優甘願被引爆，而癡女角色亦演過唔少，只要面孔一轉，演技同性技都咁高超嘅麻妃變身飢渴慾女，粗暴又有技巧地玩弄男優一樣冇難度！
最近，麻妃姐有少少減產迹象，唔係佢唔想拍，而係貴人事忙，事關佢除咗忙於開攝影會，仲同其他熟女參加煮飪班，學習整小食嚟招呼參加攝影會嘅粉絲。而麻妃姐最近亦籌備緊「北条俱樂部」，呢個俱樂部除咗定期發布最新消息，亦會開設戀愛及情慾信箱，由麻妃為大家解答各種相關疑難，喺戀愛方面麻妃就唔知答唔答到大家，但係喺色慾方面相信佢絕對冇問題，話晒都拍咗成10年AV喎！
碟名：《通販番組之MC小姐，被性搔擾的美腳美熟女》
片長：160分鐘
出品：AVS Collector's
內容：北条麻妃係一個電視台郵購節目嘅女主持，本身做得好地地，但係高層話節目收視偏低，於是要求麻妃着短裙露底嚟提高收視。之後，高層仲未滿意，叫麻妃唔好着密實OL套裝，換上低胸露腿嘅性感裝束示範各種健身器材，期間有高層借機上前抽水，搞到麻妃不知幾尷尬。而鹹濕高層見
麻妃成隻鵪鶉咁唔敢出聲，就愈來愈過分，實行霸王硬上弓！
年齡：38歲
身高：5呎6吋
三圍：34D-24-35
撰文：賢