早前Adult Empire（AE）掟咗段片上網，搵Adriana Chechik同Megan Rain兩件女對談，內容唔鹹又唔露骨，主要係宣傳自己公司四仔，Sell溫情、友情同愛情，但原來唔係介紹新片，而係一套2014年嘅舊作，咁巴打買嚟睇係咪好戇居呢？
其實Hardsell色情呢招早就唔Work（口架）啦，好似早排Pornhub已經玩溫情，但高手原來係AE，呢個自家製作四仔兼售賣情趣用品嘅網站，喺歐美無人不識，亦係每年頒獎禮嘅常客，雖然出片量唔多，但每次都係大卡士製作，脫星同導演都係勁有朵。但今日唔係講AE啲四仔有幾勁，而係細佬早前睇到AE網站見到有段訪問片，標題係「Megan & Adriana: It Was the Beginning of a Beautiful Friendship」，以為有新作加上有女咪Click入去睇吓，片中Megan Rain同Adriana Chechik着住比堅尼坐定定齋噏，大致係講二人女同大戰賽後感，對男人嚟講都幾挑逗性，於是睇吓喺咩作品，發現原來係Megan Rain兩年前嘅舊作《Get Wet》，呢部四仔影評唔錯，由型男Jay Rock執導，演出囡囡主力得三個，Megan同Adriana係其中兩位，每場床戲佢哋都孖住上。講番呢段訪問片，最後Megan同Adriana就話大家可以網購呢部四仔，盛惠21.99美元，或者斬件式購買佢哋嘅女同床戰片段，每段售5.99美元起，勁識做生意囉！
唔鍾意Megan同Adriana呢兩位脫星嘅，可能會覺得呢個做法好無聊，但係愈嚟愈多片廠都咁做，為咗增加銷量，好難再一味鬥淫鬥平，就好似Megan同Adriana咁，賣溫情、談愛情，原來私底下仲有友情，嘩！連睇嗰個都覺得自己有深度咗，唔可以話咁做法一定成功，但近乎零成本翻炒賣舊片，何樂而不為？話唔定喺網上再炒熱，兩姊妹執多劑拍續集添！
講到好姊妹，其實脫星界私底下都有唔少閨密，最多人知嘅肯定係Kayden Kross同Stoya呢對啦，喺Kayden仲落床砌嗰陣，有傳佢哋係一對，後來Stoya搭上男神James Deen，而Kayden Kross同意大利男優Manuel Ferrara未婚生女，呢對閨密先冇再發展，之不過由床上磨出生意來，兩人成立「TRENCHCOATx」齊齊拍四仔，仲不時孖住出席夜場騷，感情好好o架！
咁脫星又唔單止得同行做朋友，好似近年染指珠寶設計嘅美國索妹Jessie Andrews，據報道指，原來佢同英國著名女歌手Ellie Goulding勁Friend，仲攬頭攬頸一齊做運動添，但估唔到人哋架生仲勁過Jessie囉！
撰文：祖