一年一度國際影壇盛事奧斯卡喺上星期順利完成，而喺3月3日有另一個備受男士注目嘅奧斯卡頒獎禮上演，就係有「日本AV界奧斯卡」之稱嘅Sky PerfecTV成人放送大賞，今年新人獎鬥得最激烈，結果大熱嘅三上悠亞輸咗畀大食小花桃乃木香奈，而香奈自爆全靠道護身符才贏獎！
Sky PerfecTV成人放送大賞今年已經係第13屆，今次回歸基本，冇搞花臣頒咩男優獎及年度AV詞語獎，但係絕對唔會失色，因為各個獎項都競爭激烈，主要獎項分為三個，分別係女優獎、新人獎及熟女獎，三個大獎嘅入圍佳麗都係經評審大會成員精挑細選，名單公布之後，由網友每日以一人一票嘅方式投票畀心水女優及作品，從而選出得獎者，公眾參與度相當高，絕對唔係小圈子選舉，亦因為咁隨時都有爆冷賽果產生，就好似今屆咁啦！
今屆嘅主持人除咗有中尾彬之外，仲有寫真界天后級女優小林惠美，為大會生色不少。首先，中尾彬宣布女優獎得主，就係涉谷系女王AIKA喇！估唔到AIKA喺床上面對成群男優都未驚過，但係聽到自己得獎就相當激動，可見佢極之興奮！AIKA致詞時表示自己近年工作愈來愈少，有諗過引退，幸得到一班姊妹及事務所同事鼓勵，從低潮中提起勇氣，終於畀佢成功得獎封后。
至於今屆嘅新人獎競爭相當激烈，包括兩位大熱人選前SKE48成員三上悠亞及大食妹桃乃木香奈，其餘嘅有皆野由莉、亞須希同向井藍，不過呢三位一睇就知係陪跑分子，因為悠亞同香奈無論喺可愛程度、身材吸引力以及演出落力指數都一樣咁高，淨係睇佢哋兩個鬥就已經係焦點所在啦！將要宣布新人獎嘅時候，全場都屏息以待，結果係桃乃木香奈擊敗三上悠亞奪得獎項，香奈得知自己獲獎，面露錯愕之色，個樣真係好可愛，當佢確認自己真係得獎之後，隨即爆喊，佢話一直好想攞獎，但係冇諗過會攞到，因為覺得自己好大機會同個獎擦身而過，又喊住話之後會繼續努力，希望可以攞到更多獎項以報答大家嘅支持！當中尾彬向香奈恭賀之時，發現香奈腰間掛咗個印有可愛豬仔圖案嘅護身符，香奈就話個護身符係佢自己設計，今次得獎可能多得道符保祐，香奈仲話呢個護身符遲啲會公開發售。
雖然三上悠亞以大熱姿態落敗，但係香奈領獎之後返回後台，悠亞同香奈都有講有笑，相處非常融洽。不過，悠亞當晚盛裝打扮，亦冇空手而回咁慘慘豬，其初下海AV作品《國民的アイドルグループからまさかのMUTEKI降臨！》獲得作品獎，呢個獎項相當重要，因為大會從上年10,000部AV作品中挑選出11部入圍作品，而悠亞呢部作品成功脫穎而出，絕對係萬中選一之作！得獎後悠亞相當感動，連番感謝大家嘅支持。
至於熟女獎方面，由近年轉型行熟女路線嘅重口味女王羽月希獲獎，不過其他對手如井上綾子、葵紫穗同橫山美玲喺上年嘅表現實在同佢差九條街咁遠，羽月希得獎係意料中事。而其他獎項包括Sky PerfecTV成人放送大獎就由湊莉久奪得，傳媒獎「東京Sports獎」就頒予桃乃木香奈，古川伊織獲「日刊CYZO獎」，三上悠亞獲「FLASH獎」，橫山美玲獲「周刊大衆獎」，小弟在此衷心恭喜咁多位得獎女優，未來一年繼續努力喇！
女優獎：AIKA
新人獎：桃乃木香奈
熟女獎：羽月希
作品獎：三上悠亞
Sky PerfecTV成人放送大獎：湊莉久
東京Sports獎：桃乃木香奈
日刊CYZO獎：古川伊織
FLASH獎：三上悠亞
周刊大衆獎：橫山美玲
撰文：賢