如果覺得家陣嘅成人遊戲冇乜新意嘅話，呢隻由日本遊戲廠IRODORI推出嘅《櫻花制裁》，絕對可以畀到玩家新鮮感。故事講述由玩家飾演嘅新任奉行（即日本古時嘅探員）大岡志明，夥同青梅竹馬嘅平賀理夢，以及另一位女奉行遠山櫻，偵查區內嘅懸案。雖然遊戲仍然係AVG冒險玩法，但卻分成「物語」、「調查」同「奉行」3個部分進行。「物語」即係案件嘅解說同劇情發展，玩家只需閱讀即可；「調查」指玩家要控制志明，喺唔同地點收集關於案件嘅證據同證供，以及一切同案件有關嘅提示；「奉行」係成個遊戲嘅重要部分，玩家要分析資料並對疑犯進行質詢，然後再對供詞進行判斷，從中剔除同案件無關同埋假證據，最後對真正嘅犯人進行制裁。遊戲講求玩家嘅推理同分析能力，而查案途中嘅鹽花場面，令遊戲玩味更強，絕對係推理迷嘅首選。