唔少人認為結婚係男人嘅墳墓，但喺呢隻由日本十八禁遊戲廠PENCIL推出嘅新作《Lovely Sisters ～新娘與姊妹們的混亂生活～》就話畀大家知，婚後生活可以多姿多采。故事講述男主角馬取一間，經過千辛萬苦不但溝到天才美少女兼富家千金寢子草木碗，更成功拉埋天窗。就喺佢哋婚後一個月，美滿嘅新婚生活開始出現危機！原來木碗有着容易沉迷某樣事情嘅性格，婚後佢竟然迷上打機，溺愛老婆嘅一間就咁肩負起幫老婆打理生意嘅重任。除咗無啦啦要打理生意之外，原來木碗同一間所住嘅屋，係一間女子宿舍！住喺度嘅美少女形形式式乜嘢人都有，尤其係當中一對如月姊妹花，不但擁有陶藝同發明嘅天賦，更係生意上不可或缺嘅人才。為咗可以打理好老婆嘅生意，又要處理宿舍內各位美少女嘅關係，令人羨慕嘅後宮式生活正式展開！