休閒誘惑 刺激又減壓

適量嘅壓力可以成為推動力,之但係壓力太大就會令人身心俱疲,甚至為精神健康帶來負面影響!唔少性學專家仲表示壓力太大會導致床上起頭難,大家真係要記住放鬆身心,適度減壓呀!今日為大家介紹嘅其中一本讀物就以輕鬆嘅角度講解性歷史,仲有一本日本寫真集由綺麗美人兒去到美國綻放性感,睇完之後包保大家冇晒壓力,輕鬆晒!

人生初露底

日本樂壇有好多陣容龐大嘅女子團體,好似AKB48、SKE48、仮面女子、乃木板46等等,團體嘅成員大部分都係年輕貌美,充滿活力嘅美少女,當中唔少更加身材豐滿誘人,好似仮面女子嘅天木純同神谷繪里奈就憑住胸前對碩大美巨乳成功殺入寫真界搵食喇!不過,要成功由樂壇進軍寫真界唔使吓吓都需要巨乳嘅,好似乃木板46嘅台柱白石麻衣咁,早前以絕色綺麗美貌喺寫真界綻放光芒!

現年24歲嘅白石麻衣氣質迷人,甜美又銷魂,上圍大小適中,加上美腿修長白滑,外在美相當優秀,故被稱為乃木板46「美的象徵」。麻衣除咗睇得,歌藝亦相當出眾,絕對係團隊當中嘅實力派人物。麻衣活躍樂壇同時亦推出過唔少水着寫真,但係講到最激嘅就一定係最近推出嘅寫真集《パスポート》喇!麻衣特別飛去美國取景拍攝,透過到當地旅遊帶出一種休閒感覺,去到不同地方換上性感打扮,將視覺誘惑一點一滴咁流露出嚟。另外,麻衣會為大家獻出人生第一次,就係以內衣造型演出,大家點可以錯過呀!

書名:《パスポート》

售價:約HK$134

多元性愛?

愛多一個人係咪錯呢?講道德就一定係!但若然你事先向對方聲明,而又容許伴侶不只愛你一個,咁似乎又好合情合理喎!冇嫉妒、冇欺騙又肯為對方付出,咁複雜關係,現實中係咪可行?細佬未試過,但如果你想實行,不妨先睇睇《More Than Two: A Practical Guide To Ethical Polyamory》呢本多元性愛書,事關三位作者Tatiana Gill、Eve Rickert 及Franklin Veaux自言性愛生活喺世人眼中都極度混亂,之但係佢哋完全唔覺得有錯,反而勇於承認一生人同時愛多過兩人,甚至更多先係人生追求,更出書解救正在痛苦自責嘅「大愛男女」!呢本書絕對不適合道德之士,及堅信一夫一妻制男女睇,理由係三位作者輪流分享佢哋對「大愛」想法以及性愛經驗,或者你會睇得唔順眼,但唔好諗多,佢哋絕無鼓吹多P性愛或教你欺騙伴侶,反而係強調喺開始一段感情之前要講清講楚,免日後傷心又痛苦。

書名:《More Than Two: A Practical Guide To Ethical Polyamory》

售價:約HK$154

輕鬆睇性歷史

提到歷史書,總係厚疊疊同一片字海,不過呢本由台灣網絡作家,兼退休老軍醫肉唐僧所著嘅《性愛簡史》,透過輕鬆嘅角度同有趣嘅文字講述兩性發展歷史,書中包括「男人的慾望」、「女人的詭計」、「就這樣,我們有了一個父親」、「中國何時開始一夫一妻制?」、「巫術與宗教—鬼神對我們性生活的看法」等內容,而作者透過生物學、人類學、歷史學、社會學等方面嘅知識,針對每章唔同嘅命題進行梳理,等大家明白兩性心理發展、性愛觀、婚姻問題等嘅歷史,從而知道今時今日嘅兩性觀並非一朝一日所形成。例如透過生物學嘅角度,講解如果要令一個男人最大嘅生殖能力展現出嚟,就應該為佢配備640個女人。雖然有人話當中內容有啲離經叛道,但細味之下,卻會發現作者所講嘅歷史發展,又好似隱含道理。如果大家想從多角度思考兩性關係,呢本書可以滿足到你。

書名:《性愛簡史》

售價:約HK$70

撰文:賢、祖、魂