特攝AV大獎 魔法少女最強

業界生死鬥

日本AV界嘅特攝式作品製作精心又認真，好似女主角嘅造型經過多個工序而成，由繪畫草圖、剪裁，再配合大量配飾及組件，由於套衫製作複雜，AV女優喺換衫嘅時候亦一樣花時間同工夫，而咁認真嘅AV廠，相信只係得GIGA呢間專拍特攝式AV嘅片廠喇。GIGA之所以成為業界最強嘅特攝AV廠，當然係歸功於一班肩負重任嘅AV監督，而每年一度嘅「G1最高獎」就係表揚呢班監督，同時亦係一場生死鬥！因為當中嘅AV作品經過網民投票之後，而結果成績最差的話，負責拍攝嘅監督就冇得留低，仲要接受大懲罰！

莉亞大贏家

「G1最高獎」已經舉辦到第九屆，雖然只係「圍威喂」嘅頒獎禮，入圍作品全部都係廠內出品嘅AV，但係數量多質素又高，加上其他AV廠鮮有特攝AV，就算拍亦未必拍得出GIGA嘅水準，所以自己間廠玩晒其實唔算過分。今屆一共有10位監督出戰，獎項分為G1獎、作品獎、包裝獎以及角色獎。先講吓G1獎呢個最受注目獎項啦！成功奪得冠軍嘅係《魔法美少女戰士Fontaine邪惡博士大集結》，主演呢部作品嘅女優係倉持莉亞！故事講述莉亞全靠一個變身面具至可以變成魔法美少女戰士，經其多番努力，奮身作戰之下，打倒好多由黑暗世界魔神派嚟嘅邪惡博士，但係魔神今次就醒喇！一次過復活晒以前被打低過嘅博士，群起向莉亞進攻，成功將莉亞打敗，之後當然再來一番淫辱啦！除咗奪得G1最高獎之外，倉持莉亞嘅白衣美少女戰士造型夠晒精雕細琢，仲攞埋角色獎冠軍，本身阿妹喺AV界名不經傳，今次真係威番次喇！

震棒大懲罰

至於亞軍係由涼海、水城莉乃主演嘅《美少女戰士水手裝天使 叛變之魔裝落下》，同時亦獲得角色獎亞軍；季軍就係由巨乳熟女Kaori及彩音遙菜主演嘅《セ•リーヌの星2nd～屈辱の肉體奉仕～》，更獲得包裝獎冠軍以及作品獎亞軍！

每次G1最高獎有獎亦有罰，作品成績最差嘅監督需要公開被處以刑罰，而今次受罰嘅係一個叫「鼻道」嘅新人監督，佢所拍嘅作品《泪 ~ RUI 再見之安魂曲》喺各個獎項嘅投票都敬陪末席，所以鼻道要被懲罰，就係被鎖鏈綁實之後被震棒激震全身喇，大家想睇鼻道點樣被震棒搞到咿咿呀呀，就要Click上網睇睇啦！

網址：https://www.youtube.com/watch?v=2JfNw7yg89M

撰文：賢