雖然日本經濟唔好，但係當地嘅風俗業仍然百花齊放，好似早前有投資者睇準高消費玩家市場有潛力，開設一間高級風俗店。與此同時，有風俗店覺得玩低俗，同樣可以吸引好此道玩家捧場，究竟邊條路線可以跑出呢？呢層就有待觀察喇！
台灣有唔少色情場所都以養生館、按摩院等作為掩飾，原來呢條橋喺內地一樣咁受落。北京朝陽有一間養生會所，有居民瀏覽會所嘅網頁，發現有唔少性感技師照片同埋香艷短片，因而引起當地民眾懷疑，於是向警方舉報。呢間兩層式嘅會所開業冇耐，玩家入店後可以選擇正經嘅按摩服務，而喺服務期間，按摩女郎會向玩家推銷成為會員，做咗會員後可以參加店內開辦嘅「養生課程」，由「養生老師」為客人傳授養生知識。所謂養生課程，即係提供性服務。經過警方暗訪搜證後，早前對會所採取突擊行動，逮捕兩名女技師，及喺二樓包廂中逮捕一對正進行交易嘅男女。據其中一位被捕女技師稱，佢哋並未受過任何養生知識培訓，而嚟幫襯嘅客人都係為咗曳曳。至於該店背後老闆係邊個，則仍有待進一步調查。
剝削嘅嘢真係邊度都有，問題在於係唔係咁過分。好似台灣嘅色情業界就有啲不良分子對外地女郎打主意，以極為唔公平嘅手法剝削佢哋嘅血汗錢。唔少外地女子遠赴台灣都係為搵食，試問邊有人想離鄉別井工作吖，仲要遇到不良分子，真係陰功！至於佢哋有幾刻薄呢？話說早前新北一間喺出租套房大樓內經營嘅色情場所被搗破，警方喺場所內搵到兩名泰籍女郎，女郎稱佢哋當初抱住淘金夢而去到台灣，並同中介傾好每日接客至少6次，每次可獲得1,000元新台幣（約250港元），點知當佢哋根據中介安排上班後，不但生活被對方操控，仲要連續做咗20幾日，每日只得200元新台幣（約50港元）收入，真係連機票都買唔到呀！
早前報道過日本有風俗店睇中高消費市場，而開設高級風俗店，但唔係每個男人都鍾意玩高檔嘢，一啲賤格又抵死嘅風格，反而更能激發佢哋嘅獸性！位於新宿歌舞伎町最近新開咗一間出張風俗店「俺的Deli」，佢打正旗號玩低俗，究竟有幾低呢？原來呢間主打M孃服務嘅風俗店，一班風俗孃會勁講鹹濕說話，以滿足鹹濕玩家嘅慾望，鹹濕語錄包括「你（兵器）點解會震震吓嘅？」「點解你（兵器）個頭濕濕哋嘅？」「我（風俗孃）個頭好想人哋錫錫」等。據風俗店負責人表示，起初要求風俗孃講向客人講低俗淫語，其實都游說咗好耐，好彩最後都說服到佢哋。雖然風俗店講到佢哋好有信心，但玩家受唔受落，就要等時間驗證。
撰文：魂