激情之冬

有人話秋天係屬於食欲嘅季節,放縱胃口,享受美食,至於冬天呢?性健康專家Samantha Evans就表示冬天係屬於床上激情嘅季節,因為冬天特別適合享受閨房之樂,做多幾次,對身體都相當多好處。專家指出,早前美國威爾克斯大學就有研究顯示每周做愛一至兩次,可以增強免疫能力,有效對抗傷風感冒,好過食維他命C啦!另外,交歡時身體嘅催產素水平會上升,呢種物質有助睡眠以及令身體放鬆,加上劇烈活動可以促進血液循環,女士們如果因手足冰冷而難以入睡,不妨同伴侶多交歡喇。專家仲話根據心理學雜誌《Perception》嘅研究顯示,男士喺冬季會覺得女仔特別吸引,上床意欲亦特別強,原因同女仔喺冬天着得衫多,神秘感增強有關。專家同時指出男士嘅精子喺冬季會更加活躍,呢個時候同老婆上床成孕率會增加,對於想生BB嘅夫妻冬季的確好適合上床,但係其他男士就記住要做足安全措施喇!

撰文:賢