夏江紘實一味靠吹

出嚟識女仔,最怕就係遇到過分文靜嘅女生,任你講乜,佢都只係冷淡咁回應一句,你話幾無癮呢!不過,如果遇到個女仔好似開籠雀咁,大家又鍾唔鍾意呢?若然呢隻開籠雀係夏江紘實的話,小弟我一定冧到痹,因為阿妹實在太可愛啦!

眉粗口大

喺日本寫真界有好多能夠解釋到「大」呢個字嘅女優,好似杉原杏璃、今野杏南、西田麻衣,佢哋個胸真係好大!另外,仲有一位大波女優叫做岸明日香,佢唔單止胸大,個口亦相當大,但係阿妹唔介意畀人話佢口大食窮郎,反而成為個人特徵,甚至係魅力來源,呢份自信令明日香更加迷人,亦令大家都接受大口嘅女仔,好似今日為大家介紹嘅大口妹夏江紘實。

今年25歲嘅紘實樣子可愛又標致,雖然兩條眼眉又粗又濃,但係眼帶神采又夠精靈水潤,唔會畀兩條粗眉搶晒鏡。另外,紘實個嘴仔睇落都幾大,不過阿妹自言口大仲好,因為笑起上嚟更加明顯,更具感染力,又真係喎!同岸明日香一樣,紘實口大得嚟個胸亦相當有分量,而佢胸大得嚟腰肢纖幼,身材婀娜多姿,曲線極之誘人。

吹水多過食飯

紘實個樣雖然未必個個都受落,但係每次見到佢嘅甜美笑容,所散發出嘅天真氣息以及極強感染力,令人感到如沐春風,煩惱全消。亦正因為紘實擁有嘅呢種笑容及一副姣好身材,喺2012年參加選美比賽「Miss成城大學競賽」,一路以強勁氣勢殺到入決賽,最後成功拎埋冠軍添!奪得冠軍之後,阿妹除咗喺寫真界發展順利,以演員身份發展亦甚吃得開,演出嘅電影包括《燕子之劍》、《今田偵探事務所》以及《無惡不作兵器》等等。提到吃,紘實有個網絡節目叫做《夏江紘實的交換麵團》,每集由紘實邀請嘉賓同佢去到不同地方食飯,但係成個節目阿妹同嘉賓都雞啄唔斷,認真係吹水多過食飯,唔怪得有人話女仔口大多說話啦!原來係冇錯嘅。

社交網站

簡介:夏江紘實除咗喺網上主持講飲講食嘅節目,最近仲有節目介紹玩具四驅車,大家如果係玩具四驅車迷,不妨上紘實嘅Twitter同佢交流心得喇!

網址:https://twitter.com/kae_hiromi?lang=ja

夏江紘實Profile

年齡:25歲

身高:5呎4吋

三圍:34F-23-33

撰文:賢