近年日本人嘅消費力疲弱，雖然如此，早前當地嘅風俗店生意不俗，有人認為係同年終派發獎金有關，有玩家表示有錢梗係要玩得豪啲！
唔少玩家以為呢期假期多，內地有關當局會鬆手啲，如果係咁諗嘅話就錯喇！唔少地方嘅警察仍然會努力做嘢，好似杭州江干區白楊派出所，早前派警員暗查兼埋伏突襲一間足浴店，原來早喺上年12月中，警方收到市民舉報指呢間足浴店提供賣淫服務，於是組織多名民警對足浴店進行暗訪。經過搜證後，發現每到夜晚足浴店有唔少男士光顧，不過佢哋並唔係喺足浴椅上做足療，同時發現店內職員分工明細，有人負責拉客，有人喺足浴店附近睇水，於是警方決定擴大搜查範圍，跟蹤當中嘅重要人物。獲得足夠嘅證據後，警方喺上個月28日晚採取行動，逮捕10名疑犯，同時檢獲避孕套、帳簿等物證。該派出所指，未來仍會加大力度打擊類似嘅組織賣淫行為。
喺色情場所工作嘅女郎無時無刻都要打醒十二分精神，有乜風吹草動時，反應自然快人一步。不過喺台灣高雄一間泰式色情養生會館工作嘅28歲潘姓越南女郎，就係因為反應慢，結果斷正！喺上個月27日下午，高雄三民區警方對轄區內嘅一間養生會館採取行動，佢哋收到舉報指館內有色情活動進行，而呢間養生館先前因涉嫌經營色情場所而被查獲，其後多次轉手繼續經營。喺行動之前，警方早就搜足晒證據，故此行動相當迅速，話說警方衝上二樓一間包廂打開門時，就見到潘姓女郎隻玉手正喺56歲李姓玩家嘅褲內游走，潘女好愕然，呆咗一陣先至從李男褲內抽出玉手，真係斷到正，走唔甩！
雖然日本經濟差，但喺派發年終獎金後，唔少男士都大破慳囊，好好咁慰勞一下自己，最簡單直接嘅方法，莫過於去風俗店玩樂。大家唔好以為佢哋只不過係花一千幾百咁少，有唔少高級同超高級風俗店表示，呢期佢哋嘅生意比平時旺咗好多，尤其係一啲AV女優坐鎮嘅風俗店，生意額更係勁升。點樣區分高級同超高級嘅風俗店呢？一般嚟講，120分鐘嘅服務收費高於5萬日圓（約3,300港元）為高級風俗店，而收費高於10萬日圓（約6,600港元）則係超高級風俗店。好似位於東京吉原嘅出張泡泡浴風俗店「白夜」咁，120分鐘嘅收費係5萬日圓起，因此屬於高級風俗店。據該店稱，如果係平日嘅話，黃金時段即星期五及六嘅下午5點到8點才會出現爆場嘅情況，但係呢排幾乎每晚都爆場，尤其係一啲較有名氣嘅風俗孃更係滿晒預約添。
撰文：魂