日本AV界中有幾位天后大家都相當熟悉，好似吉澤明步、Julia、明日花綺羅等，近期有兩位來自藝能界嘅天后誕生，佢哋就係三上悠亞同高橋聖子。除咗佢哋之外，有一位藝能人比佢哋出道更早，名堂亦比佢哋更響，呢位就係無論AV碟銷量成績以及話題性都可以稱王稱霸嘅小向美奈子喇！早前，美奈子終於放監，仲決定繼續向AV界以及艷舞界進發添！
早前小弟喺本欄當中，為2016年嘅日本AV銷量成績作出一個總結，結果係畀一班藝能人女優玩晒，據日本最大型AV銷售網站DMM嘅統計，上年銷量最高嘅5隻AV碟係由女藝人一手包辦，包括正值當頭起嘅高橋聖子、坂口杏里以及望月留美。佢哋嘅出現令一班正宗AV女優喺銷量成績幾乎輸到七個一皮，但係嚟到新一年局勢又會唔會改變呢？正宗女優會唔會贏番一仗呢？以小弟嘅九流分析嚟睇，女藝人行情會繼續向好，因為今年有一位充滿話題性嘅女藝人回歸AV界，佢就係小向美奈子喇！
美奈子喺寫真界曾經紅極一時，後來成功登陸電視、電影界，到2011年美奈子帶住知名藝能人嘅名堂隆重下海拍AV，旋即牽起熱烈討論，初下海作品《AV女優 小向美奈子》更加大賣20萬隻！據講，三上悠亞同坂口杏里嘅初下海作品都係賣過10萬隻而已，美奈子嘅作品能夠達到「雙白金」成績，認真厲害！
美奈子正式出道拍AV之後，銷量成績同氣勢可謂屢創新高，現役AV女優全部都難攖其鋒，喺「AV OPEN 2014」當中更加憑住激玩二穴中出嘅重口味作品《顏射中出二穴Fxxx》將其他AV作品技術性擊倒，奪得「日本一」榮譽！可惜，翌年美奈子又再犯上「不可一，不可再」嘅行為而被起訴，更被判入獄一年六個月，最慘係男友本來有意同美奈子拉埋天窗，最後因為美奈子要入獄而令婚事告吹。喺美奈子食緊監房飯嘅時候，拍落嘅四仔相繼出爐，總算滿足到AV迷嘅需求。上年年尾美奈子放監，佢出番嚟之後決定繼續拍AV，而今次同佢合作嘅AV廠係MAXING，首部作品叫《AV女優 小向美奈子 最終章始動》。雖然美奈子名聲敗壞，亦拍過四仔，但係喺充滿話題性嘅情況之下，美奈子呢部作品依然大賣，一推出就搶佔DMM網站銷售榜首位！又拎第一名，犀利！
AV廠MAXING廠內除咗吉澤明步同由愛可奈之外，專屬女優陣容當中都冇邊個可以擔得大旗，今次搵到美奈子幫手，可以話係如獲至寶，見到首次合作嘅AV大賣，M廠梗係再下一城，美奈子嘅第二部作品《緊縛奴隷調教快樂墮落的美麗背德未亡人》將會喺1月16日推出。從兩部作品中，可以見到小向美奈子肥咗唔少，條腰粗過以前，但係上圍一對超級大肉彈每邊都大過美奈子個頭，仲有皮膚比以前白滑，容貌精神咗好多，所以就算肥咗，睇落亦順眼咗好多！據悉，美奈子誓神劈願唔會再犯當年嘅錯，會努力搵錢，除咗拍AV之外，仲喺SM界殿堂級人物葵瑪莉穿針引線之下，重踏脫衣舞台，早前佢去到橫濱Rock座表演，美奈子雖然體態肥胖，但係跳起舞依然功架十足，一字馬等高難度動作一樣難佢唔到，希望美奈子今次真係可以重新做人啦！
撰文：賢