好耐之前，就有南韓囡囡喺日本風俗店搵食，只係佢哋一直並非主流。理由並非因為佢哋價錢貴，而係市場上冇乜需求，因此數量唔多。不過隨住韓流襲日，玩家對韓國風情嘅興趣愈嚟愈濃，近年主打韓風嘅風俗店更係愈嚟愈多。
玩家梗係希望同個心儀嘅夜場囡囡，私底下見面兼曳曳啦！點解？唔使花錢喺個場度消費，時間又自由，最重要係唔使同人爭，你話幾好呢！若然囡囡可以提供友情價嘅話，更係抵到笑呀！咪住！囡囡又鍾唔鍾意先？原來係一半半咋！據內地嘅夜場囡囡解釋，鍾意嘅原因係因為唔使同個場拆帳，即係個客畀幾多自己就袋足幾多，有時同個相熟嘅客人嚟個短途旅行，賺番嚟嘅可能比返工仲要多，簡直係後備金庫。至於唔鍾意嘅原因，就係有時唔知收乜嘢價好，須知道講錢失感情，如果收足夜場價，可能會因此而得失個客，收唔足嘅話又好蝕底，總之講到錢就煩，有囡囡更因講錢而冇咗條命。山西太原上個月底就發生一宗殺人燒屍案，案中疑兇25歲陶姓男子，喺今年4月於KTV認識姓江嘅囡囡，自此陶男經常喺江女屋企過夜。點知喺11月底，兩人卻因嫖金發生爭執，結果陶男將江女殺害後燒屍，真係恐怖呀！
長者有心冇力嘅唔少，有心有力嘅亦有好多，最重要係佢哋平日消費唔多加上有時間，因此成為囡囡「關注」嘅對象。不過有位台灣提供色情服務嘅囡囡，卻慨嘆耆英客唔易招呼！話說呢位25歲嘅李姓女子，喺上個月中於台北萬華艋舺公園內，遇到一位80歲嘅劉姓老翁。劉翁由於喪偶多年，閒時會到公園搵人傾偈同捉棋打發時間，因此成為李女嘅目標。李女問劉翁想唔想鬆一下，並以500元新台幣（約125港元）嘅半套價錢，同劉翁到附近嘅旅館交易，而劉翁同時要支付300元新台幣（約75港）嘅房錢。原來喺兩人於公園傾談時，已被公園附近埋伏，正準備掃黃行動嘅警員發現，故此正當兩人喺旅館交易之際，警方便採取突擊行動將兩人逮捕。劉翁見狀即表示：「我太老了，沒辦法射。」同時否認嫖妓，而李女則稱自入到房後，佢已經努力進行手作服務。點知佢努力咗半個鐘，劉翁總係發射唔到，正當佢強迫劉翁畀錢之際，警員就衝入嚟，真係白做一場！
其實喺好耐之前，已有唔少韓妹喺日本嘅風俗店搵食，而隨住韓流熱潮，令原先唔算太過吸引嘅韓流風俗店，開始受玩家注視，近年更有愈開愈多嘅趨勢。好似呢間位於川崎橫濱風俗店「秘苑」就係其中一間，為咗標榜同一般魚目混珠嘅所謂韓流風俗店有分別，真係落足心機！唔單止店內嘅裝修跟足傳統韓國嘅風格，風俗孃更以唔同款式嘅韓服上陣，夠晒韓味。大家咪以為風俗孃身上件韓裝只係笠上去咁簡單，除咗條裙之後，內裏就係胸圍同底褲，查實佢哋真係將成套着晒上身，裙內有條長褲，仲有條襯裙，除光之後對方就會服侍玩家沖涼。雖然除都有排除，但對玩家嚟講，呢種先至係正完嘅韓國風情。咪住！係咪個個風俗孃都係正宗韓妹呢？風俗店梗係話係，問題係你信唔信啫。
撰文：魂