男仔對於一王兩后當然興趣甚大，唔知女仔又點睇3P呢？網絡社交平台方便大家互相溝通，有澳洲籍私家偵探表示透過社交網站發展不倫之戀嘅情況有上升趨勢。日本愈來愈多草食男，即係佢哋唔想溝女亦唔想做愛，原來日本女性亦有如此情況。
大部分男士都希望可以左右逢源，甚至嚟個一王兩后就最過癮喇。早前外國有一個調查訪問咗274位年輕人，發現當中有64%對3P相當有興趣，有13%受訪者更試過玩3P。另外，最近加拿大亦有調查訪問過720位年齡介乎18至60歲嘅男女，以了解一下佢哋對於與伴侶以及一名第三者玩3P有咩睇法，毫無懸念嘅係82%受訪男性想玩3P，31%受訪女性對此玩法有興趣。不過，當中就有一個奇怪嘅發現，就係如果3P對象唔係自己嘅長期男伴，而自己屬於第三者角色的話，女性們會覺得更有興趣，即係話佢哋想玩3P，但係就唔畀男伴玩埋一份，心態都幾自私又幾奇怪喎！
早前小弟去完日本旅行，飽覽當地嘅湖光山色，亦飽嘗當地美食。之不過，由於行程實在太緊湊、太緊密，搞到冇時間飽閱埋當地嘅美人兒。其實，男士們應該多去日本旅遊一番，除咗因為近期日圓匯率持續偏低，到當地玩樂夠晒抵之外，亦因為日本嘅處女愈來愈多！早前日本有一個出生動向基本調查報告，顯示當地年齡介乎30至39歲嘅處女，由5年前嘅23.8%，上升到31.8%！至於點解會有咁嘅趨勢呢？原因有好多，包括日男愈來愈唔鍾意做愛，甚至連溝女都提唔起勁，亦有人認為當地嘅離婚率偏高，令男女對婚姻失去信心，唔想結婚自然就唔會拍拖啦！唔拍拖又點發展到床上關係呢？
最近小弟又失戀，之前難得可以同心儀嘅女神拍拖，好可惜，女神話咁快就移情別戀，但係我冇怪佢，只怪自己冇本事又冇錢啫！雖然今次嘅感情傷害係幾深，但係我都慣晒喇！其實我亦一早發現端倪，因為分手之前佢雙眼唔敢望住我！澳洲籍私家偵探Luke Athens表示，從佢綜合過行業眾多同行嘅經驗，有95%不忠伴侶雙眼會出現不穩眼神。Luke亦表示，經調查得知過去一年有45%英國男人出軌至少一次，而英國女性亦有21%。另一方面，Luke話以往出軌情況會由酒吧結織，又或者係從工作夥伴開始，但係家陣大部分不倫之戀轉而於面書之上，因為大家可以透過面書上顯示嘅個人資料先了解到目標嘅喜好，溝通起上嚟更加容易，勾引到對方嘅成功率自然大增。
撰文：賢