呢期去日本旅行，有樣嘢一定要知又要買，就係福袋！佢裏面乜嘢都有，好似化妝品、電子產品、生活用品等，視乎你喺邊度買福袋。不過對男人嚟講，呢啲福袋點過癮，都及唔上成人福袋咁啱心水喇！
除咗百貨公司同商店有售福袋之外，唔少風俗店都會推出自家福袋，講到最搶手嘅風俗福袋，必定係池袋風俗業集團Major Group所推出嘅「男人的浪漫」福袋，其吸引之處在於袋內有現金券同優惠券，總金額以千萬日圓計，好似今年各種優惠券嘅總金額就高達1,000萬日圓！設有4個唔同售價，分別係50萬、10萬、5萬以及3萬日圓，金額愈高愈能享受到更多及更優惠嘅服務，好似最貴嘅50萬日圓福袋內有張一年用VIP會員證，玩家只要手持呢張證，就可以喺該集團旗下嘅風俗店免費享用一次服務，難怪有人話呢個福袋係送禮自用嘅佳品。每款福袋都係限量發售，發售期由即日至明年1月15日止，有買趁手喇！
雖然風俗店推出嘅福袋絕大部分都係內藏現金券同優惠券，但有啲風俗店卻鍾意玩另類，好似位於東京鶯谷嘅「安心的風俗店PANTYHOSE」，就推出極為奇葩嘅原味襪褲福袋嘞。呢間風俗店主打玩襪褲，亦深得好此道玩家歡迎，店方為咗答謝玩家一直以嚟都咁捧場，於是將風俗孃着過嘅原味襪褲以福袋形式喺限定日子送畀玩家。而風俗孃亦相當有心思，喺福袋上親筆簽名，等客人可以知道呢對襪褲屬於邊個囡囡。覺得原味襪褲好Dirty？咁你就錯喇！不知幾討玩家嘅歡心，為咗得到心頭好，個個排住隊入場幫襯呀！
唔買風俗店福袋，仲有另一個好選擇，就係日本情趣用品店所推出嘅福袋。同百貨公司嘅福袋一樣，每年新年前唔少實體同網絡情趣用品店都會推出自家福袋，內裏有多款情趣用品。不過大家要留意，情趣用品有分男用或女用，斷估唔會有男士會用假棒棒啩？不過好多時呢啲福袋乜玩具都有，甚至有唔少男士買咗之後，返到屋企打開才發現袋內全部都係女性專用情趣用品，中伏！
對AV迷嚟講，最吸引嘅莫過於AV片廠推出嘅福袋，不過由於唔係每間片廠都會出售福袋，故此大家要留意各片廠嘅官方網絡。講到當中最受日本AV迷歡迎嘅，就係由Caribbeancom推出嘅福袋，分為6個主題，分別係S級女優袋、巨乳袋、蘿莉袋、熟女袋、西洋妹袋以及重口味秘密袋，每個售價4,950日圓，喺每個福袋內都有5套配合主題嘅AV作品，由於限量發售，手快有手慢冇。
撰文：魂