對於成年男女嚟講，聖誕節可以冇聖誕襪、冇聖誕老人、冇Jingle Bell，但係唔可以冇聖誕Party！因為辛苦咗成年，點都要趁普世歡騰嘅日子玩餐飽！既然係咁，一於講吓同Party有關嘅情色俚語，等大家知道派對其實一啲都唔簡單。
對男人而言，派對唔可以冇女！咁派對中嘅女係咪叫做「Party Girl」呢？梗係唔係啦，其實佢有另一個意思。喺上世紀初，英國文化中嘅Party Girl係指喺派對出現嘅表演女郎，例如從蛋糕中彈出嚟，或者表演香檳浴等。到咗上世紀末，Party Girl演化出兩個意思，一個係指鍾意去蒲嘅女子，另一個則係指性生活放蕩嘅女性，意思亦與「Play Girl」同義。如果參加外國人舉辦嘅Party，有人問你有冇準備「Party Pack」，即係指安全套咁解。呢啲保護性措施，點都要有番一兩個傍身。
呢套《Party Doll A Go-Go》能夠入選成為AVN必睇500套四仔之一，唔單止情慾場面一流，參演嘅脫星美貌與身材俱備，仲有時代代表性。由老牌四仔片廠VCA Pictures喺1991年推出，著名四仔導演Rinse Dream執導，並由美艷脫星Jeanna Fine擔綱演出，當年喺成人戲院上映時，哄動一時。之後，作品分成Part 1同Part 2推出四仔錄影帶，獲得銷量佳績！呢部四仔嘅拍攝手法相當特別，以60年代嬉皮士年代為故事背景，瘋狂嘅情節，加上運用大量鮮艷嘅對比顏色，以及超特寫拍攝手法，喺當年嚟講充滿新鮮感，縱然今時今日拎出嚟重溫，都唔會有老土嘅感覺。
聖誕派對已經夠狂歡，甚至有人加入性元素，等參加派對嘅男女乘機搵對象曳曳，而呢種派對就叫做「Sex Party」。咁乜嘢叫做「Mandatory Sex Party」呢？Mandatory有強制性嘅意思，顧名思義，就係指參加派對嘅男女可以強制他人或願意接受即場開波。參與呢種派對嘅男女，除非唔到場，否則將被一律視為願意同任何人發生性行為。大家睇到呢度，就知道呢種瘋狂刺激嘅色慾派對其實藏有暗湧，隨時被檢椌，又容易感染性病，真係咪試呀！
香港嘅AV迷雖然未必聽過「Honey's Secret Party」呢個活動，但台灣嘅AV迷一定聽過，甚至參與過添！喺介紹「Honey's Secret Party」之前，大家先要認識一下「Honey's Secret」，佢係一個由AV女優喺2014年組成嘅女團，而拉攏佢哋成軍嘅係小室家族御用製作人久保浩志。事緣日本AV女團「惠比壽麝香葡萄」喺2013年4月7日解散，於是久保決定組成一隊AV女團「Honey's Secret」再戰樂壇，並積極向台灣發展。喺2014年12月20日及21日於台北「The Park公園展演空間」舉行「Honey's Secret Party」，成員包括有紗倉真菜、葵司、小島南、彩美旬果同蒂亞，不但進行簽唱活動，仲同粉絲大玩遊戲。是次活動獲得空前成功，故此喺翌年嘅2月、4月同8月，再舉辦咗3次演出活動。不過隨住到台嘅女優聲勢不再，新鮮感下滑嘅情況，其後「Honey's Secret」便解散。
撰文：魂