性誕有禮

茄子震棒

終於返貨喇！呢件茄子震棒有乜咁令人期待呢？咪因為Emoji囉！問心，有幾多男女發「茄子」Emoji係因為想食茄子，而茄子喺Emoji界已等同男士性器，有搞嘢嘅含意，所以咪有人喺網上集資生產呢個Emojibator Eggplant Vibrator，無奈求過於供，過去半年都唔夠貨派，好在依家官網終於有貨賣，唔玩都要買番個送畀朋友啦！嫌茄子Out咗？冇有怕，最新「紅椒」震棒，火紅撞青綠色，食晒聖誕氣氛呀！

名稱：Emojibator Eggplant Vibrator

售價：約HK$248

網址：https://emojibator.com/

吉川J杯

邊個猛男可以「拮穿J杯」咁勁？咪住先，吉川係日本今期當紅女優，全名吉川愛美（Yoshikawa Aimi），阿妹舊年暑假先以「電擊移籍」方式去咗AV廠Moodyz演出感謝祭作品，跟住又喺另一間AV廠Wanz Factory玩感謝祭，佢好唔好砌唔知，細佬只知好多男人排住隊想親近佢囉！有份參與感謝祭嘅幸運兒梗係爽啦，咁我哋呢啲食自己點算先？唔怕，J杯幫到你！呢個「吉川J杯」，官方全名叫「i:ME 愛美櫻桃」，以卡通造型登場，USB充電，內置12種震動模式，內餡可以拆出嚟清洗及更換，但咁都未夠滿足喎！J杯內置6種阿妹嘅呻吟聲，兼可調校大細聲，肯定令你玩得更加投入！

名稱：i:ME 愛美櫻桃

售價：約HK$334

網址：www.store-mix.com/ko-bai/product.

php?pid=2786025&hid=43207

鑽石震蛋

家陣產品唔聯乘邊有潮人睇得上眼o架！聯乘唔係問題，最緊要唔好「亂乘」啫！呢方面要向英國情趣玩具網Lovehoney學習吓，事關佢由一個賣震蛋網站發展到今日推出自家玩具，近年更跨媒界推出聯乘性玩具，好似呢件大廠都唔敢推出嘅鑽石形震蛋，之唔係以日系風格起朵嘅人氣美國品牌「tokidoki」作品囉！鑽石起晒角，放喺敏感部位邊個敢玩？但設計嘅嘢我哋識條鐵咩？除咗喺遙控器印有可愛日系公仔，紫色鑽石形震蛋，採矽膠製造，軟硬適中，啱晒愛刺激又鍾意挑戰嘅囡囡！

名稱：tokidoki x Lovehoney Solitaire 10 Function Silicone Clitoral Vibrator

售價：約HK$287

網址：www.lovehoney.co.uk/product.cfm?p=35768&ReviewPage=1

夜光卡Game

節日當前，情侶互搞新意思留啲回憶理所當然，可惜床邊衰佬總係無厘情趣，呢個時候有卡Game幫手，唔使諗、唔使煩又有驚喜，正呀！向來出情趣卡Game出到街知巷聞嘅Kheper Games隆重推出「glow in the Dark SEX!」，之所以話佢「隆重」，唔係因為好勁， 係因為千呼萬喚！你知啦，光燦燦喺房玩遊戲邊有Feel o架，因此多年來不少網友都向官方強烈要求推出夜光版卡Game，好等熄晒燈都睇得到卡紙寫乜，有英德俄文選擇，唔知幾時有中文呢？

名稱：glow in the Dark SEX!

售價：約HK$156

網址：https://khepergames.com/product/bgr164/

撰文：祖