衡量一個成人遊戲做得是否出色，性感嘅女角色同鹽花場面並非唯一標準，最重要始終係遊戲劇情能否吸引玩家，日本成人遊戲廠MOONSTONE最新力作《灰暗來時的結果》正正做到呢點。故事發生喺某年夏天，男主角御城康一回到位於小島嘅故鄉，同佢細妹及雙親一齊營運嘅旅館。雖然康一離鄉已有一段日子，但小島上嘅人同物都冇乜大變化。喺一個晚上，康一意外發現島上原來出現咗神秘魔物，呢啲魔物專門狩獵少女作為食物，正當康一唔知點算時，面前突然出現一位美少女，對方施展神秘力量將魔物擊倒。而康一想偷走之際，美少女話康一已經牽連到神秘事件中，魔物只不過係前哨兵，後面仲有一隻遠古魔王，康一想生存嘅話，就要同佢一齊解救呢個危機。故事起初感覺相當純愛，只係隨住劇情發展，卻畀到玩家意外驚喜。