高潮淫態勾動原慾

睇十八禁漫畫定係睇AV過癮?好多人會選擇AV,皆因有聲又富動感,但係成人漫畫獨有嘅超誇張高潮淫態,呢點AV就無法做到。講到誇張嘅淫態,日本人氣成漫家Leopard最精於此道,透過佢嘅單行本《H Sketch!》,大家就能明白十八禁漫畫如何勾動男性嘅原始慾望。

同人崛起

若論漫畫資歷,Leopard早喺1997年已開始喺同人圈發表作品,並喺1999年參與創作成人同人漫畫《Human High-light Film》,呢本作品當時獲得成漫迷一致好評,尤其係佢繪畫嘅單元故事「VII」、「IX」同「α」更備受讚賞。事關作品嘅故事性強,角色性格又夠立體,可愛兼激凸嘅豪乳女角色,以及精彩嘅高潮表現,配合激烈得嚟又具動感嘅活塞肉搏戲,構成極誘人嘅鹽花場面。其後喺2001年,佢有份參與創作嘅成人同人漫畫《Studio‧Wallaby》,同樣深得成漫迷歡迎,尤其係佢至今仍有連載嘅漫畫《DRAPOEL》,將一般向人氣漫畫成人化,喺網絡上獲得相當高的評價。

講到佢正式喺成漫月刊發表作品,要等到2005年8月,當時佢獲得成人漫畫月刊《COMIC MEGASTORE》賞識有機會發表作品。自此之後,佢嘅人氣不但直線飆升,更先後喺成漫月刊《COMIC HOTMILK》、《COMIC X-EROS》、《COMIC 快樂天》等發表作品。2008年8月,佢終於迎來成漫生涯中首本單行本《制服新娘》,呢本作品令佢嘅人氣更上一層樓,只係此作之後要等上7年多時間,才誕生佢嘅第二本作品《H Sketch!》。

代表之作

呢本喺2015年10月登場嘅單行本《H Sketch!》,收錄咗Leopard自2008年12月至2015年1月期間,喺成漫月刊《COMIC快樂天》及《COMIC HOTMILK》上發表過嘅13個短篇作品,當中分別有點題作《H Sketch!》及續篇、《黑色三年級生》、《DQN髮烏魯菲尼爾》及續篇、《黑髮兔女郎》前後篇、《黑髮短褲》、《被人發現偷拍!》、《Sleipnir》、《伊達眼鏡》、《田徑少女》同埋《金髮與海》。每個故事不但充分展現出佢對豪乳女角色嘅執着,更體現佢對劇情鋪排嘅認真。講到書中不能錯過嘅故事,必然係《H Sketch!》同《Sleipnir》。

《H Sketch!》嘅男主角輝山,最愛用畫筆描繪美少女嘅美股,而佢心目中最靚嘅美股,就係網球社女主將棲沼樹之柄!有日佢偷偷地掃描對方時被棲沼發現,更被一眾女網球員暴打。輝山以為棲沼自此會疏遠佢,估唔到佢反過來願意成為模特兒,更換上各種性感制服畀輝山畫。起初輝山唔明點解棲沼會咁合作,後嚟先知原來棲沼喺被畫嘅過程中,竟然產生無比嘅慾望,隨着兩人嘅慾火愈嚟愈高漲,一次狂野嘅本能交鋒已經無可避免。

《Sleipnir》中嘅男主角田中圭三,係偶像女團「Sleipnir」嘅經理人,夢想將佢一手發掘出嚟嘅女團捧紅而不斷努力,結果終於迎嚟女團出道以來首次戶外演唱會,並且獲得極佳反應!正當佢諗住去休息室誇獎團員之時,眾女團員竟要求同田中曳曳以作鼓勵,田中以為被整蠱而一口拒絕,眾女見狀群起出擊,並將田中制服。原來眾女為答謝田中一直以嚟嘅付出,加上對佢暗戀多時,集體商量後至有呢個決定。究竟田中會否答應佢哋嘅要求,而女團嘅未來發展又會點呢?

漫畫名稱:《H Sketch!》

作者:Leopard

出版:Wani Magazine

頁數:226頁

撰文:魂