日本古時有好多忍者，佢哋除咗會暗地裏保護主公，仲會刺殺敵人，亦會進行收集情報嘅間諜任務。由於忍者充滿傳奇性，故時至今日依然有好多人鍾情於學習忍者技能以及扮演忍者，喺日本水着界亦有一位女忍者，佢就係璃乃喇！
日本水着界可以話臥虎藏龍，一班水着女優當中有好多都身兼多項技能，好似稻村亞美係棒球天才，曾經喺一場職業棒球賽嘅開球禮中，做出一次時速105公里嘅投球，而小弟最愛嘅水着天后今野杏南除咗擁有好身材，亦寫得一手好文章，近年開始撰寫官能小說，以文筆嚟誘惑大眾。至於今日為大家介紹嘅璃乃唔單止係水着妹咁簡單，佢仲有另一個身份，就係忍者喇！
現年23歲嘅璃乃有人覺得佢唔夠靚女，但係其笑容夠晒燦爛夠晒陽光氣息，一睇佢就知係成日笑不停嘅開心果，男人識女仔都係求開心啫！唔通遇着個喊包好咩？璃乃笑容燦爛吸引，身材亦相當誘人，上圍斤両十足嘅D Cup美乳吸睛度爆晒燈，不過最多人欣賞阿妹嘅屁股，表面光滑亮麗，圓潤又挺拔，飽滿又彈性十足，絕對係極品美尻！
璃乃喺2013年出道拍攝水着寫真，同時參加選美活動「年輕冠軍學園」，當中璃乃除咗展露誘人身段，亦展現出精湛扮嘢功夫，及後獲邀成為偶像小組忍者櫻花組嘅成員，因為表現出色而成為隊長添。人氣漸漸積累之後，璃乃相繼參加過唔少選美活動，例如「Miss FLASH 2014」、「Miss Hana Girl 2014」等等，不過都係得唔到半個獎項，直至參加「Miss東Sport 2015」嘅時候，終於奪得冠軍，可謂守得雲開見月明！
頭先提到璃乃係忍者櫻花組隊長，阿妹做完忍者之後仲做埋間諜，因為佢輾轉成為另一偶像小組「偶像諜報機關LEVEL 7」成員，但係大家唔使驚，所謂嘅間諜只係噱頭，組合雖然叫做諜報機關，但係班成員唔需要進行間諜任務，而係同AKB48一樣經常登台同大家見面，以及落力咁表演歌舞，當然璃乃更加會繼續將其誘人身段展露，盡情咁向大家搔首弄姿啦！
年齡：23歲
身高：5呎4吋
三圍：34D-24-36
簡介：璃乃經常會喺Twitter上載登台表演嘅幕後花絮，大家想了解阿妹同班組員如何相處，以及表演如何精彩，不妨Click上去睇睇喇。
網址：https://twitter.com/624ritan?lang=ja
撰文：賢