日本成人遊戲係戀愛題材嘅天下，只係對於Game迷嚟講，呢個情況並非好事，始終選擇少咗好多嘛！好彩成人遊戲廠Light推出嘅新作《SILVERIO TRINITY》，改以戰國大陸為背景，讓玩家扮演男主角阿什利‧赫萊森，縱橫呢個戰亂時代。故事發生喺新西曆1035年，位於軍事帝國阿德勒東部邊境古城都普拉格，陷入同鄰國安塔利亞商業聯合國及坎特伯雷聖教皇國嘅三國土地糾紛中。阿德勒派出黃道十二星座部隊之一嘅「血染處女」戰隊落實和平協議，不過「血染處女」嘅隊長吉爾伯特‧哈維斯卻有另一番陰謀，企圖打破古城勢力平衡。於是佢趁住成立試驗部隊嘅機會，希望以呢個部隊達到目的。阿什利身為部隊成員，為咗求存要透過不斷戰鬥，同埋聯合部隊中嘅女隊友，喺呢個亂世中建立功勳。