性慾好幫手十指間游走

手,唔單止係人嘅好幫手,仲係夜深人靜時,幫忙解決慾火嘅好朋友。除咗解決生理需要之外,各位仲知唔知原來手同Hand都有好多情色俚語和玩樂術語,順便同大家講吓一啲關於手嘅經典四仔及以手為賣點嘅女優啦!

情色俚語:Hand Sex 手樂忘形

「Hand Sex」同字面解釋一樣,即係用對手嚟解決性需要,亦係我哋口中所講嘅自娛咁解。除此之外,男女雙方互相用手嚟令對方達到性高潮,都可以用呢個詞語。講開「Hand Sex」,英文中有個詞語叫「Second-Hand Sex」,大家唔好以為佢解做假手於人嘅手作行為,查實佢同自娛一啲關係都冇,「Second-Hand Sex」其實係當A同B發生性行為時,間接影響到其他人,而對其他人嚟講,佢哋所感受到嘅就係「Second-Hand Sex」。例句:Those people in the next room are fxxking and I can hear them. I'm a victim of second-hand sex!(我聽到隔籬房啲人喺度曳曳,我係二手性愛嘅受害者!)

玩樂辭典:Hand Relie 手作暗語f

「Hand Relief」中嘅「Relief」有安慰、救濟嘅意思,而用手嚟安慰,好明顯即係解做自娛啦!既然係咁,佢同「Hand Sex」又有乜嘢分別呢?原來「Hand Relief」係外國按摩院對於手作行為嘅暗語。當技師問客人,想唔想要「Hand Relief」服務時,亦即係問對方想唔想技師用玉手嚟解決佢嘅生理需要。講開呢類有為男士提供解決慾火服務嘅按摩院,佢哋為咗同冇提供手作服務嘅按摩院區分出來,前者會有一個特別得嚟又相當明顯嘅稱呼,就係叫做「Hand Job House」,「Hand Job」係手作仔嘅另一稱呼,加上「House」即係解做手作仔之屋,係咪好易明呢?

美國四仔系列:《Chocolate Melts In Your Mouth And In Your Hands 2》 洩慾在手

手作服務係唔少夜場囡囡愛用嚟服侍玩家嘅方法,更係歐美四仔嘅指定表演動作。不過講到經典嘅手作四仔,不得不提呢套由美國四仔片廠Black Ice喺2008年推出嘅《Chocolate Melts In Your Mouth And In Your Hands 2》。呢套惡搞經典朱古力廣告口號而成嘅「只溶喺口又溶喺手」系列,作為第2套登場作品,不但繼續由著名四仔導演Dwayne Dane執導,仲搵嚟當時嘅超人氣新進脫星Bree Olson擔綱演出,加上Simone Style、Veronica Jane、Cindy Gold、Aiden Starr等人氣脫星坐鎮,單係牌頭已經夠晒星味!雖然呢套四仔零劇情,但憑住一幕幕吹奏同手作演出,鹽度極高嘅官能刺激下,不但令佢成為熱銷作品,Bree Olson更憑呢套四仔喺2008年嘅AVN頒獎禮中榮獲最佳新進脫星獎。連同之前喺NightMoves頒獎禮,以及同年喺XRCO頒獎禮、XBIZ頒獎禮同Adam Film World Guide頒獎禮,Bree Olson幾乎橫掃所有四仔頒獎禮嘅最佳新進脫星獎項。

日本AV系列:玉手熟女 川上優

每位喺AV界闖蕩多年嘅女優,總會有一技傍身,有啲憑住靚樣,有啲憑住身材,而喺1982年3月3日於東京出生,喺2004年11月出道嘅川上優,卻以精湛手技而獲得高人氣。佢最初以森野雫之名喺AV界出道,喺處女作《近親白書 母親失格》中飾演熟女女優紫彩乃個女。不過當時佢並未為AV迷所留意,及至2007年5月演出《悅虐團地妻》後宣告引退。闊別AV迷3個幾月後,佢以藝名川上優之名推出復出作《奴隸市場之女》。據佢講改名嘅原因,係因為想以新名字轉戰輕度愉虐界,呢個改變固然有新鮮感,回歸後佢所展現嘅超強手技,更令AV迷留下極深印象,唔少AV迷都話睇過佢嘅手作演出,都會有種想搵風俗孃解決嘅衝動。成功轉型令佢喺2009年獲得由SUN出版社頒發嘅最優秀若妻獎,同埋由若生出版社頒發嘅AV女優大獎,喺2011年更獲得成人廣播熟女女優獎。

撰文:魂