為女祈願蘿莉純愛

有人話一隻出色嘅成人遊戲，除咗要女角設計同劇情吸引外，畫風亦係不可或缺嘅要素。切合題材嘅畫面，會令玩家更加投入，好似呢隻由SWEET＆TEA推出嘅新作《永不枯萎的世界與終結花》，超純愛嘅劇情加上適量鹽花，配合蘿莉系女角色，令作品好似愛情童話咁浪漫。

故事發生喺一個充滿色彩斑爛鮮花嘅小鎮，有一天男主角小翔喺街上，遇到咖啡店同事小春一家幾姊妹，呢次相遇令小翔同小春內心產生陣陣漣漪。有晚小翔見到小春偷偷離開員工宿舍，於是跟蹤對方睇吓佢去邊。去到遠離小鎮嘅一個被無數花朵包圍嘅山丘，佢對住夜空祈願：「呢個世界嘅人，任何事都鍾意強加於他人身上。儘管有唔少人唔值得原諒，我仍希望改變呢個世界……」見到心儀女神許下呢個願望，小翔內心亦產生同樣嘅盼望。

開發商：SWEET＆TEA