綜合近年日本風俗界嘅消息同新聞，發覺佢哋嘅服務愈嚟愈有內地味道，點解咁講呢？皆因唔少風俗店標榜嘅新玩意，其實早喺好耐之前嘅內地夜場已經出現。究竟呢種變化只係一種巧合，定抑或風俗店瞄準愈嚟愈大嘅內地玩家市場呢？箇中原由真係耐人尋味。
家陣內地嘅夜場唔單止要識得望風睇水，仲要心思細密，否則真係好難逃得過有關當局嘅法眼。陝西省渭南市白楊鄉有間足浴店，每到夜晚都會有唔少客人出出入入，並且有唔少打扮妖艷嘅女子進入店內，而喺店門外則有人喺度睇水。由於佢哋嘅行為相當有可疑，加上當地派出所收到舉報，指呢間足浴店提供色情服務，於是民警暗中調查，結果發現呢間足浴店內嘅分工相當細緻，有人負責招攬客人，有人專責喺門外睇水，而最關鍵嘅疑點，就係佢哋發現足浴店有唔少男客人出入，但大堂嘅足浴椅上竟然冇人坐，於是早前採取行動，警方先埋伏喺店外，並將從店內出嚟嘅男客人帶走問話，待對方承認喺店內嫖娼後，再採取突擊行動將店內正進行交易嘅7名疑犯逮捕，整個行動共拘捕咗13名疑犯，當中包括足浴店兩位老闆。估唔到大堂嘅空櫈竟然成為最關鍵嘅疑點，呢點相信連嗰兩位老闆都冇諗過。
內地遊客去台灣原來唔一定係觀光，有啲內地女子睇準到台灣觀光自由行，可以喺當地逗留15日之便，假借觀光為名，實際上卻係喺當地從事色情服務嘅工作，而屏東嘅東港鎮就係其中一個內地女子嘅熱門落腳地。據講佢哋主要喺提供色情服務嘅小型小吃店、卡拉OK、複式釣蝦場等地方工作，因為呢啲地方冇咁惹人注目，亦相對色情按摩店、美容坊等較易搵到工作機會。其實當地嘅警方早就留意到呢種情況，因此佢哋最近特意加大臨檢力度同範圍，尤其係一啲疑似經營色情服務嘅店舖，更係佢哋重點巡查對象。早前當地警方突擊檢查鎮內一間卡拉OK時，發現店內一位楊姓女子神色慌張，於是警方向佢盤問，雖然楊女表示自己係從內地到台灣旅行，但場內一名男酒客卻指證楊女其實喺店內從事陪酒女郎。與此同時，另一隊警方巡查隊喺鎮內一間小吃店包廂內，查獲兩名內地籍阮姓及李姓女子持觀光簽證喺店內當陪酒員，而兩案中嘅3名女子不但全部被帶回警署，更會遣返內地。
每次日本有風俗店推出新服務，玩家總會第一時間喺網上報告，尤其係一啲特別嘅服務，引起唔少玩家注意，而最近就有種新服務引嚟一眾玩家嘅關注，就係採耳！大家冇睇錯，呢種採耳服務對有北上玩樂經驗嘅玩家嚟講，絕對唔係乜嘢新鮮事，只係對日本玩家嚟講，卻係相當特別。位於東京新宿嘅風俗店「Fairy」，向來為玩家提供美容及美體服務為主，只係乜嘢叫做美體同美容呢？美體即係按摩，而美容即係會幫玩家洗吓面。由於佢主打青春系兼且好技術嘅風俗孃關係，故此喺新宿有相當人氣。呢次推出採耳服務，由於係免費贈送項目關係，故此更加引起玩家注意。從未試過採耳服務嘅日本玩家表示，試過之後先知原來採耳係咁舒服，加上溫柔體貼嘅風俗孃細心服侍下，感覺相當溫馨，而有玩家更指自從呢項服務提供後，每個禮拜都去幫襯三次或以上，睇嚟市場嘅反應唔錯。話時話，近年唔少日本風俗店所謂嘅新服務，其實都幾有內地特色，除咗呢個採耳服務外，之前仲有穴位推拿、修甲等。呢種轉變唔知係咪同為咗吸引內地客人有關呢？
撰文：魂