以前有啲邪骨場將技師分為各種級別，公主級、明星級同AV女優級等，只係呢啲分級制好多時都係得啖笑。講到AV嘅原產地日本，其實佢哋亦有唔少風俗店以AV作為賣點，更有唔少以AV體驗作招徠，究竟係點玩法？一陣話你知。
除咗夜場內工作嘅囡囡外，如果玩家想搵囡囡曳曳嘅話，第一件事固然係睇對方嘅相頭，跟住係問價。以往喺內地尋歡，問價嘅動作可以話係光明正大咁做，只係隨住內地嚴打關係，問價呢個行為變得要地下進行。既然係咁，點解呢位石姓男子，夠膽喺網上直播問價過程呢？話說內地一個網絡直播平台，一位化名做「雲升」嘅男主播，喺直播節目中化身成司機搵街女，明目張膽同兩名女乘客談論色情交易嘅話題，包括「1小時1,500」、「1晚上3,000」嘅問價及討價還價過程。男主播唔單止講得露骨，仲要同時回答網民提出嘅問題。須知道近年內地對網絡直播嘅內容相當嚴謹，所有關於色情內容嘅直播節目，都屬被嚴肅整頓嘅對象，故此佢嘅下場可想而知。雖然石男被捕後表示，所有涉及色情交易嘅內容都係事先編排好，而兩位女乘客亦係直播拍檔，但佢仍然被處以5日行政拘留，並被列入網絡主播黑名單。
每種行業都有自己嘅一套業界術語，尤其係夜遊業中嘅術語同暗語更加多，目的係等其他人聽唔明佢哋講緊乜。不過講到最令人搲爆頭嘅密碼級暗語，相信台灣呢個傳播妹集團絕對係數一數二。所謂傳播妹即係我哋所講嘅應召女郎咁解，而呢個以新北市為據點，並以傳播經紀公司作為掩飾嘅色情集團，佢哋透過網絡貼出用暗語寫成嘅訊息，以吸引有興趣從事傳播妹工作嘅女仔加盟。究竟暗語訊息有幾咁密碼級呢？訊息係咁寫嘅：「缺一名音樂老師（須通告）……保障鐘數：5，須能馬上出發，車資300。」唔好話大家睇唔明，就連台灣警方都睇唔明。咁啱警方喺一次行動中，逮捕化名「小美」嘅傳播妹，而佢手機內又有呢條訊息，佢向警員解碼。原來所謂「音樂」即係陪客人玩，而「通告」即係全套服務，亦即曳曳嘅意思。此外，佢話仲有個叫做「酒桌」嘅暗語，意思即係純粹陪客人飲酒、唱歌同玩遊戲，故此有時嘅訊息會寫成「酒桌加上音樂」或「音樂加上通告」等。喺佢嘅爆料下，呢個集團嘅郭姓負責人最終被捕歸案，並被處以3個月有期徒刑。
唔少日本風俗店都鍾意標榜猶如AV中嘅體驗嚟吸引玩家捧場，所謂AV體驗不過係當中嘅風俗服務同AV中嘅演出一樣而已，講到底咪又係吹奏、手作仔同素股。不過呢間位於新宿大久保嘅出張風俗店「K-B-M」，卻推出百分之百AV感覺嘅服務，究竟有幾好玩呢？原來呢間風俗店提供咗4種唔同嘅劇情畀玩家，分別主打美股服務嘅「桃尻」、情趣玩具耍樂嘅「無理」、制服誘惑嘅角色扮演「妄想」同玉手服務嘅「回春」。玩家只需要喺預約時，指名要享受邊種主題就得，最重要係唔會另外收費，而每個主題嘅收費劃一為每60分鐘16,000日圓（約1,120港元）起，另加指名費1,000日圓（約70港元）。對有睇過AV嘅玩家嚟講，都知道上述各種唔同類型嘅AV主題，當中嘅劇情成分少之之又少，離不開都係入房就啪啪啪，只係風俗孃都會交足戲，起碼都會同玩家講吓對白，先至會進入正題。正正係呢種少少嘅改變，令唔少日本玩家，覺得呢間風俗店相當有誠意，起碼有4種唔同嘅主題畀佢哋揀咁話。
撰文：魂